| e-texts navigator |
| Wylie |
259a1 ཏོ།། སྣང་བ་མ་བཅོས་ཆོས་ཀྱི་སྐུ།། རིག་པ་མ་སྦྱངས་ལོངས་སྤྱོད་རྫོགས།། ཐུགས་རྗེས་སྤྲུལ་པའི་སྐུ་རུ་ཤར། སྣང་སྲིད་ཐམས་ཅད་ཞིང་ཁམས་ཡིན།། སྣོད་བཅུད་སེམས་ཅན་སངས་རྒྱས་རྣམས།། སྐྱེ
259a2 མེད་ཐམས་ཅད་བྱིན་རླབས་འཁོར།། གསང་སྔགས་གཏེར་གྱི་རིག་པ་རྫོགས།། མི་རྟོག་སྤྲོས་མེད་སེམས་སུ་ཤར།། འདུ་ཤེས་འཕེལ་ཕྱིར་དེ་ཡི་འཁོར།། མ་སྐྱེས་འགྱུར་མེད་རྟག་པ་ཡིན།། རང་བྱུང་སྤྲོས་མེད་བྱིན
259a3 རླབས་ཤར།། རང་རིག་གཟུགས་སུ་སྣང་བ་དང་།། བདེ་བ་མ་ལུས་རང་རིག་ཀྱང་།། རིག་པ་ཉིད་ལ་གདོད་ནས་རྫོགས། ཁྱད་པར་བདེ་བ་ལྷ་ཡི་ཡིན།། ལྷག་པའི་བདེ་བ་ལྷ་ཡི་ཡིན།། རང་འབྱུང་སྤྲོས་མེད་སེམས་ལ
259a4 རྫོགས།། ཤིན་ཏུ་བདེ་བ་ཐམས་ཅད་ཀྱང་།། རང་བྱུང་སྤྲོས་མེད་སེམས་ལ་ཤར།། བདེ་བ་ཆེན་པོ་ཐམས་ཅད་ཀྱང་།། རང་བྱུང་སྤྲོས་མེད་སེམས་ལ་འདུས།། ལོངས་སྤྱོད་མ་ཆགས་ཞིང་ཁམས་ཡིན།། རིགས་པའི
259a5 འཁོར་ལ་དགོངས་པ་ཆད།། ཏིང་འཛིན་རིག་པ་གདེང་གིས་གོ། གནས་དང་འཁོར་དང་བསྟན་པ་ཚང་།། རིག་པའི་ངོ་བོ་གསལ་བར་སྟོན།། མ་བཅོས་པ་ལ་དགོད་པར་མཛོད།། མཚོན་བྱེད་ཐབས་དང་སྤྲད་པ
259a6 དང་།། དབང་གི་མན་ངག་སྟོན་པར་མཛོད།། མཚོན་བྱ་མཚོན་བྱེད་འབྲེལ་བར་གནས།། ཐུགས་རྗེ་རང་བཞིན་སྤྲུལ་པར་ཤར།། སྟོང་གསུམ་འཇིག་རྟེན་ཐུགས་རྗེའི་གནས།། ཞེན་པའི་བསམ་པས་བརྟགས་པ
iiif viewer powered by OpenSeadragon
