| e-texts navigator |
| Wylie |
258b1 ཤེས་ཆེ།། བརྟག་པ་མ་ཡིན་རིག་པ་ཚད་མ་སྟེ།། ཤེས་པ་གསུམ་གྱི་མཚན་ཉིད་མ་འདྲེས་གསལ།། རིག་པ་ཅིར་ཡང་མ་འགགས་ནམ་མཁའི་མཐའ།། ཉི་མའི་འོད་ལྟར་གསལ་ཞིང་རང་རིག་སྣང་།། གཉིས་སུ་མེད
258b2 ཅིང་དབྱེར་མེད་ཅིར་མི་དགོངས།། ལོག་རྟོག་འཁྲུལ་པའི་རང་བཞིན་བྱང་ཆུབ་སེམས།། ཐམས་ཅད་ཆོས་ཉིད་རང་གསལ་སེམས་ཉིད་གསལ།། སྤྱོད་པ་ཐམས་ཅད་བྱང་ཆུབ་སེམས་སུ་གནས།། དབྱིངས་དང་ཡེ
258b3 ཤེས་ཐ་དད་བྲལ་བ་མེད།། མཚན་མའི་གཟུང་འཛིན་མེད་ཅིང་དེ་ཡི་དང་།། ཐབས་ཀྱི་རང་བཞིན་འབྲེལ་བའི་དོན་དུ་གནས།། ཞེས་གསོལ་ཏོ།། རིག་པ་ནམ་མཁའ་ལྟར་གསལ་བའི་རྒྱུད་ལས། ལྟ་བ་བསྟན་པའི
258b4 ལེའུ་སྟེ་གཉིས་པའོ།། །། དེ་ནས་སྤྲུལ་བའི་སྤྲུལ་པ་དེས་འདི་སྐད་ཅེས་གསོལ་ཏོ།། ཆོས་རྣམས་ཐམས་ཅད་སྐྱེ་མེད་རྩལ་བྲལ་ན།། སྐལ་ལྡན་གདུལ་བྱ་རྣམས་ཀྱི་ངོ་དག་དང་།། སྐུ་གསུམ་རྣམ་གྲངས་སྣང
258b5 བའི་དོན་གང་ལགས།། དེ་ཉིད་སྔོ་ལ་སྣང་ངམ་དངོས་པོ་ལགས།། ཞེས་གསོལ་པ་དང་། སྤྲུལ་པའི་སྟོན་པས་འདི་ཅེས་བཀའ་སྩལ་ཏོ།། ཆོས་རྣམས་ཐམས་ཅད་སྐྱེ་མེད་སྤྲོས་བྲལ་ཡང་།། ལས་དང་སྐལ་བར་ལྡན་པ
258b6 གང་དག་ལ།། ཐ་དད་མ་འདྲེས་གསལ་ཞིང་འདྲེན་པར་མཛད། ཉོན་མོངས་རྐྱེན་གྱིས་མ་གོས་པདྨ་འདྲ།། ཞེས་གསུངས་སོ།། དེ་ནས་ཡང་སྤྲུལ་བའི་སྤྲུལ་བ་དེས། སྔོ་ལ་སྣང་བའི་རྟོག་པ་འདི་སྐད་ཅེས་གསོལ
iiif viewer powered by OpenSeadragon
