| e-texts navigator |
| Wylie |
258a1 ཀུན་ལ་ཁྱབ།། ཐམས་ཅད་འདུ་ཞིང་དེ་ལས་བྱུང་།། སྣང་བའི་དངོས་པོ་ཐམས་ཅད་ཀུན།། བཙལ་མེད་རང་བྱུང་རྒྱལ་པོར་བཤད།། མཚོན་དུ་མེད་ཅིང་ལྷུན་གྱིས་རྫོགས།། ཀུན་ཏུ་བཟང་པོའི་རང
258a2 བཞིན་བླང་དོར་མེད།། ཆོས་ཉིད་བསམ་དུ་མེད་པས་ནམ་མཁའ་འདྲ།། ཅི་ཡང་མི་སྒོམ་མི་བཙལ་དམིགས་མི་བྱ།། མི་སྤྲོ་མི་བསྡུ་གྱི་ན་ལྷུག་པར་བཞག། ཆོས་རྣམམས་གཅིག་པའི་སྙིང་པོར་མི་འགྱུར་དོན།། རྒྱུ་ཡིས
258a3 མ་བསྐྱེད་རྟོག་པའི་རྒྱུ་དང་བྲལ།། དེ་ཡི་རང་བཞིན་དེ་ཡིན་མི་གསལ་ཏེ།། གཉེན་པོ་མེད་ཕྱིར་དེ་ཉིད་རང་རིག་ཡིན།། མི་གནས་མི་བརྟེན་མི་འཆའ་ཡུལ་དང་བྲལ།། རྩོལ་བས་བསྐྱེད་པ་མེད་ཅིང་རང་ལུས
258a4 མེད།། སྔོན་དུ་བྱེད་པའི་ཡན་ལག་མེད།། འབྲས་བུ་རང་བཞིན་མེད་དེ་ཡེ་ནས་ལྷུན་གྱིས་གྲུབ།། གདེང་དང་ལྡན་པས་གང་ཡང་བསྒྲུབ་པ་མེད།། མཚན་མ་ཆོས་ཀྱི་མི་རྩོལ་གང་ཡང་རྩོལ་བ་མེད།། མ་སྐྱེས་སེམས་ཀྱི
258a5 རང་བཞིན་བརྗོད་མེད་གྲོལ།། རང་བཞིན་སྣང་བས་མི་རྩོལ་མཚོན་དང་བྲལ།། རྒྱུ་འབྲས་རྟེན་དང་བྲལ་བའི་ཆོས་ཉིད་ལ།། རྒྱུ་དང་འབྲས་བུར་ལྟ་བ་སྒྲོ་འདོགས་ཆོས།། འབྱུང་བ་ལྔ་ལས་མ་བྱུང་བསྐྱེད་པ་མེད།། སྐུ
258a6 གསུང་ཐུགས་ལ་མི་དམིགས་རྟེན་མི་འཆའ།། རང་བཞིན་གནས་པས་མ་བཙལ་ཐོག་ཏུ་ཕེབས།། འདས་དང་མ་འོང་ད་ལྟར་ཐོས་མེད་དགེ། ཆོས་ཀྱི་ཆོས་ཉིད་གསལ་བ་སྣང་བ་མེད།། མི་རྟོག་བསམ་མི་ཁྱབ་པ་ཡེ
iiif viewer powered by OpenSeadragon
