| e-texts navigator |
| Wylie |
257b1 སྣང་ཟབས་རྣམས་མོས་པའི་བློ་ལ་སྣང་།། བརྗོད་མེད་ཆོས་ཉིད་ཆོས་རྣམས་ཀུན་གྱི་ཆོས་ཉིད་དོན།། ཅེས་གསུངས་སོ།། དེ་ནས་ཉིད་ཀྱི་ཡང་སྤྲུལ་པའི་སྤྲུལ་པར་མཛད་ནས། སྤྲུལ་པའི་སྤྲུལ་པ་དེས་འདི་སྐད་ཅེས
257b2 གསོལ་ཏོ།། བདག་གིས་སེམས་ཀྱི་མཚན་ཉིད་སྐྱེ་མེད་ལ།། ཉིད་ཀྱིས་སྐྱེ་བར་བྱུང་བའི་དོན་སྡེ་ལྟ་བུ་ལགས།། བདག་གིས་སེམས་ཀྱི་མཚན་ཉིད་རྩོལ་བྲལ་ན།། ཉིད་ཀྱི་རྒྱུ་ལས་རྐྱེན་གྱིས་བསྒྲུབས།། སྐྱེ་བ་མེད་ལས
257b3 སྐྱེ་བ་དང་།། འགག་པ་མེད་ལས་འགག་པ་སྟེ།། བདག་གིས་མ་རིག་བརྟག་པར་དཀའ།། གསུང་གི་སྒྲོན་མས་གསལ་བར་མཛོད།། ཅེས་གསོལ་བ་དང་།། དེ་ནས་སྟོན་པས་འདི་སྐད་ཅེས་བཀའ་སྩལ་ཏོ།། ཐམས
257b4 ཅད་སེམས་ཀྱི་རང་བཞིན་སྐྱེས་མེད་ན།། རྟག་པ་སྔོ་ཡིས་རྟག་ན་འཁྲུལ་པའི་ནད།། དེ་ཡི་རང་བཞིན་ཅི་ཡང་མ་ཡིན་སྐྱེས་པ་མེད།། སྐྱེ་བ་མེད་པའི་ཆོ་འཕྲུལ་སྐྱེ་བར་སྣང་།། ཞེས་གསུངས་སོ།། རིག་པ་ནམ་མཁའ
257b5 ལྟར་གསལ་བའི་རྒྱུད་ལས།། གླེང་གཞིའི་ལེའུ་སྟེ་དང་པོའོ།། །། དེ་ནས་ཡང་སྤྲུལ་པའི་སྤྲུལ་པ་དེས་འདི་སྐད་ཅེས་གསོལ་ཏོ།། དངོས་པོ་གསུམ་པོ་དབྱེར་མེད་ཅིང་།། མ་བཅོས་སྐུ་གསུང་ཐུགས་སུ
257b6 གནས།། བདེ་བ་ལ་སོགས་ཉོན་མོངས་ལྔ།། རྒྱུ་མེད་མ་བྱུང་རང་གསལ་དག། བརྟགས་པའི་འབྲས་བུ་སྒྱུ་མ་འདྲ།། ནམ་མཁའི་མཐའ་བཞིན་མཉམ་པར་གནས།། ཡེ་ནས་གྲུབ་ཅིང་འགྱུར་བ་མེད།། ཕྱི་ནང་མེད་པས
iiif viewer powered by OpenSeadragon
