| e-texts navigator |
| Wylie |
257a1 སོ།། །། རྒྱ་གར་གྱི་མཁན་པོ་ཤྲཱི་སིདྷ་དང་། བོད་ཀྱི་ལོ་ཙ་བ་བེ་རོ་ཙ་ནས་བསྒྱུར་བའོ།། །། རྒྱ་གར་སྐད་དུ། ཙིཏྟ་པ་ས་མོ་གྷ་འོདྡྷ་ཡེ་ན་མ། བོད་སྐད་དུ། རིག་པ་ནམ་མཁའ་ལྟར་གསལ་བ་ཞེས
257a2 བྱ་བའི་རྒྱུད། རིག་པའི་ཡེ་ཤེས་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། ཆོས་ཉིད་ནམ་མཁའ་དབྱིངས་ཀྱི་ཀློང་། བྷ་ག་བགྱིལ་བའི་གནས་ན་སྟོན་པ་ཉིད་བཞུགས་ཏེ། ཉིད་ལས་བྱུང་བ
257a3 དང་། ཉིད་ཀྱི་རྗེས་སུ་མཐུན་པ་དང་།། ཉིད་ཀྱི་རྗེས་སུ་སློབ་པའི་འཁོར་འདི་ལྟ་སྟེ། ས་དང་། ཆ་དང་། མེ་དང་། རླུང་། ནམ་མཁའ་དང་། འདས་པ་དང་། མ་འོངས་པ་དང་། ད་ལྟར་བའི་སངས་རྒྱས་དང་། རྣལ
257a4 འབྱོར་བཞི་པོ་དང་། འབྱེད་པ་མི་མངའ་བའི་ཐུགས་རྗེས་ཐབས་གཅིག་ཏུ་བཞུགས་སོ།། དེ་ནས་ཉིད་ཀྱི་སྤྲུལ་པ་ཉིད་ལས་བྱུང་བའི་འཁོར།། རྡོ་རྗེ་སེམས་དཔའ་ཉིད་ལ་བསྐུལ་ཞིང་འདི་སྐད་གསོལ་ཏོ།། ཐམས་ཅད
257a5 མཁྱེན་པ་སྤྱན་གྱི་མཆོག། ཐེ་ཚོམ་ཐམས་ཅད་གཅོད་མཛད་པ།། དྲང་བའི་ཐེག་པ་མཐར་ཕྱིན་ནས།། ངེས་པའི་ཐེག་པ་མི་གསུང་བ།། ཐུགས་རྗེ་ཆེན་པོ་མི་སྐྱོད་དམ།། ཞེས་བསྐུལ་བས། ཉིད་ཀྱི་ཡེ་ཤེས་ལས་ཉིད་ཀྱི
257a6 སྣང་བ་ཆེན་པོར་མཛད་ནས། འདི་སྐད་ཅེས་གསུངས་སོ།། སངས་རྒྱས་ཀུན་གྱི་ཡེ་ཤེས་ལྡན་ཕྱིར་ཁྱེད་གཉིས་སྨྲ་བའི་སེང་གེ་སྟེ།། སྐུ་དང་གསུང་དང་ཐུགས་ཀྱི་རང་བཞིན་རྨད་དུ་བྱུང་བར་བཤད།། རིན་ཆེན་འཕྲུལ
iiif viewer powered by OpenSeadragon
