| e-texts navigator |
| Wylie |
256a1 རྒྱས་སྲོག་གི་འཁོར་ལོ་ཆེ།། བདུད་རྩི་ངེས་པའི་ལུང་མེད་ན།། འཕགས་པའི་གདུང་བརྒྱད་གཅོད་པར་ངེས།། འདུན་ཙདྷའི་དཀྱིལ་འཁོར་ཡིན།། ཟུར་གསུམ་ཤེལ་གྱི་དཀྱིལ་འཁོར་ལ།། མཁས་བཛྲ
256a2 རྗེ་ཐིག་འདེབས་པ།། འདི་ནི་ལུང་གི་ཕུག་ཅེས་བྱ།། ཡུམ་བཞི་ཕྱག་རྒྱས་བཏབ་ནས་ཀྱང་།། རྡོ་རྗེ་ལྕགས་ཆེན་མཆེ་བ་དགུ།། གེ་སར་འུབ་ཆུབ་བརླབས་ཀྱིས་བརློབ།། རང་བྱུང་དཔའ་བོའི་ཐུགས་ཀ་ནས།། གསང
256a3 བའི་ཡེ་ཤེས་མངོན་ཤར་བས།། འདི་ནི་བསྒྲུབ་བྱ་གཙོར་ཡིན་ཏེ།། བདུད་རྩི་ཞེས་ཀྱང་འདི་ལ་བྱ།། དུར་ཁྲོད་ཁུ་བྱུག་ཀློང་དཀྱིལ་ནས།། མེ་མར་གྱིས་ནི་ལུང་མནོས་ནས།། ལྕགས་ཀྱི་སྒྲིབ་བུར་གཏེར་བཅས
256a4 ཤིང་།། ཆུ་སྲིན་གདུག་པའི་ཁ་རྒྱུད་དེ།། སྤུ་གྲི་སོ་ནི་བཏབ་པ་ལ།། བསོད་ནམས་མཐར་ཕྱིན་རྣལ་འབྱོར་དང་།། འདུ་འབྲལ་མེད་པའི་དོན་རྟོགས་ནས།། དབྱིངས་ཀྱི་བདེ་ལ་རབ་གནས་ཤིང་།། ཡིད་བཞིན་ནོར་བུ
256a5 རིན་ཆེན་ལྟར།། འདོད་དགུ་རང་ལ་འཆར་བའི་ཕྱིར།། ཇི་སྐད་སྨྲས་པ་འགྲོ་བའི་དོན།། ངེས་དོན་འདབ་གཤོག་རྒྱས་པ་ལ།། དཀྲི་དོན་དཔྱད་ཐག་ཅི་ལ་གཅེས།། གྲུབ་པའི་ནམ་འཕངས་ཆོད་པ་ལ།། གདོང་བསྒྲུབ
256a6 འདབ་གཤོག་སྐྱོད་མི་དགོས།། བྱང་ཆུབ་སེམས་ནི་གཏན་བྱང་ལ།། སྦྱངས་པའི་གཉེན་པོས་སྦྱང་མི་དགོས།། ཡེ་ནས་རྣམ་པར་དག་པ་ལ། ཁྲིམས་ཀྱི་སྡོམས་པས་ཅི་ཞིག་བསྲུང་།། འབྲས་བུ་ལྟོས་པ་མེད་པ་བྱང་ཆུབ
iiif viewer powered by OpenSeadragon
