| e-texts navigator |
| Wylie |
255a1 ན།། དེ་ལ་རྟོག་པའི་རྫས་ཅི་ཡོད།། རྩ་བ་འདུས་པའི་བདུད་རྩི་དེ།། སྐྱེ་ཤི་མེད་པའི་གཏེར་དུ་བསྟན།། འཁོར་བ་རྒུན་ཟག་གཅོད་པའི་གྲི།། ཡེ་ཤེས་སྤུ་གྲི་ཆེན་པོ་ཡིས།། ཐ་སྙད་ཐམས་ཅད་རྩད་ནས
255a2 གཅོད།། ཐམས་ཅད་བདུད་རྩི་ཡིན་པར་ནི།། བདེ་བ་ཆེན་པོའི་ཐུགས་ལ་གནས།། མི་འགྱུར་ལུང་གི་སྙིང་པོ་ནི།། ཐོག་མ་མེད་པའི་དབྱིངས་ནས་གསལ།། མཐོང་བ་མེད་པས་ཆོས་ཀྱི་སྐུ།། བདེ་ཆེན་ཁྱལ་པར་གསལ
255a3 བས་ལོངས་སྤྱོད་རྫོགས་པའི་སྐུ།། སྒྱུ་མའི་ཆོ་འཕྲུལ་ཅི་ཡང་སྣང་བས་ཐུགས་རྗེ་སྤྲུལ་བའི་སྐུ།། སྒྱུ་མའི་ཆོ་འཕྲུལ་ཇི་ལྟར་སྣང་བ་ཡང་།། ཟད་པ་མེད་པའི་ཀློང་ནས་ཤར་ནས་ཀློང་དུ་ནུབ།། བརྣག་པ་ཐུགས་ལས་རྡོལ
255a4 ནས་ཚད་མར་གོ་ནས་ནི།། གསུང་ཡང་སོ་སོར་ཡོད་མ་ཡིན།། བརྡ་དང་ཟུར་གྱིས་མཚོན་པ་བས།། ཡང་རྩེ་ལུང་གིས་སྤྱི་བརྡོལ་ཏེ།། རྡོ་རྗེ་རི་རབ་ལྷུན་རྩེ་ནས།། རྣམ་རྟོག་མེད་པའི་ཉི་ཤར་ཏེ།། འཁོར་བའི་འཛིན།
255a5 པ་ཐམས་ཅད་ཀྱང་།། འཛིན་ཆགས་མེད་པའི་དབྱིངས་སུ་གྲོལ།། བཅོམ་ལྡན་འདས་ཀྱི་མཛོད་ཆེན་པོ།། མ་ནོར་བ་ཡི་བྱང་ཆུབ་སེམས།། དུས་གསུམ་གྱི་རྒྱལ་བ་ཐམས་ཅད་ཀྱིས་གཏེར་གྱི་དབྱིག། མ་བཙལ་རང་ལ
255a6 རྙེད་པའི་ལུང་བསྟན་ཏོ།། རྣམ་དག་ཐམས་ཅད་འབྱུང་བའི་རྒྱུ།། རྣལ་འབྱོར་རྣམ་ཐར་ལྕགས་དགུ་ལ།། ལྡེ་མིག་གཅིག་གིས་དགུ་འབྱེད་ཅིང་།། ཡང་དག་གཏེར་གྱི་སྒོ་ཕྱེ་ནས།། ཟད་པ་མེད་པའི་དབྱིངས
iiif viewer powered by OpenSeadragon
