| e-texts navigator |
| Wylie |
254b1 འཚལ་ལོ།། སེམས་ཀྱི་དབྱིངས་ནས་རིས་པའི་བཅུད་ཤར་བས།། ཐམས་ཅད་གཅིག་ཏུ་སྦྱོར་བས་རྒྱལ་བ་ཀུན་གྱི་མེས།། མི་འགྱུར་རྟག་པར་བཞུགས་པས་གཡུང་དྲུང་བྱང་ཆུབ་སེམས།། མ་བསྒྲིབས་གསལ
254b2 བར་ཤར་བས་མི་ནུབ་རྒྱལ་མཚན་ཏེ།། སྐྱེ་འཇིག་འདུ་འབྲལ་མེད་པས་གསང་ཆེན་རྡོ་རྗེའི་ཕྱིར།། མཁའ་ལྟར་དག་ཅིང་མ་བསྒྲིབས་ཀུན་ལ་ཤར།། བདེ་ཆེན་མཉམ་པར་གཞག་པས་ཀུན་བྲལ་ཇི་མ་ཡངས།། རིག
254b3 པས་མཚོན་དུ་མེད་པས་ཡོད་མཐའ་ཀུན་དང་བྲལ།། མ་བསྒྲིབས་གསལ་བར་ཤར་བས་མེད་མཐའ་ཀུན་དང་བྲལ། ཡོད་མེད་གཉིས་ལས་བྲལ་བས་བརྗོད་པའི་ཚིག་དང་བྲལ།། མ་ནོར་ངེས་པར་མཐོང་ན་བདེ་བ
254b4 ཆེན་པོའི་གནས།། མྱ་ངན་འདས་པ་གསང་བ་བྱང་ཆུབ་ཀྱི་སེམས་ཉིད་བདེ་བ་ཆེན་པོའི་ནང་ཉིད་དུ་བསྟན་ཏེ། བདེ་བ་མཆོག་གི་ལོངས་སྤྱོད་བསྟན་པས་འགྲུབ།། མི་གཉིས་བདེ་མཆོག་བླ་ན་མེད་པ་ནི།། རང་སྲོག
254b5 ཆེན་པོ་རྣམས་ཀྱི་སྤྱོད་ཡུལ་མིན།། དགོངས་པའི་ཁྱད་པར་ཇི་སྙེད་བསྟན་པ་ཡང་།། རང་སེམས་རྟོགས་ལས་དགོངས་པ་ཐམས་ཅད་གསལ།། ལྟ་བའི་ཁྱད་པར་ཇི་སྙེད་བསྟན་པ་ཡངས།། རང་སེམས་མཐོང་བས་ལྟ
254b6 བ་ཐམས་ཅད་བསལ།། སེམས་ནི་མེད་པའི་རྒྱུ་ལས་འོད་གསལ་བ།། གསལ་བས་མ་མཐོང་ཅི་ཡང་མེད།། དེ་ཉིད་འདྲེས་པའི་དཀྱིལ་འཁོར་ལ།། ཡོད་མེད་གཉིས་སུ་བསྟན་དུ་མེད།། དང་པོར་མེད་པའི་རྒྱུ་ཡིན།
iiif viewer powered by OpenSeadragon
