| e-texts navigator |
| Wylie |
251b1 གྱུར་ན།། སྡིག་པ་སྦྱང་ཕྱིར་སྦྱིན་སྲེག་འབུམ་ཚོ་གསུམ།། དེ་ཡིས་དེ་ཡི་ཉམས་པ་སྐོང་།། ཞེས་གསུངས་སོ།། འབྲུ་བཤད་ལས་ཀྱི་འཁོར་ལོ་ལས། རྩ་བའི་དམ་ཚིག་ཉམས་པ་གསོ་བའི་ལེའུ་སྟེ་སྐབས་སོ་གཅིག
251b2 པའོ།། །། དེ་ནས་ཡང་བཀའ་རྩལ་པ། ཡན་ལག་ཉམས་པ་བསྐང་བ་ནི།། མིང་སྤང་དམ་ཚིག་ཉམས་གྱུར་ན།། ལྟ་བ་གདེང་དང་ལྡན་བྱས་ན།། དེ་ཡིས་བསྐོང་བར་འགྱུར་བ་ཡིན།། མ་རྟོགས་འཁོར་བའི
251b3 གནས་སུ་འཁྱམས།། མི་འདོར་དམ་ཚིག་ཉམས་གྱུར་ན།། བདུད་རྩི་བཅུད་ལེན་སྦྱར་བྱས་པས།། དེ་ཡིས་བསྐོངས་པར་འགྱུར་བ་ཡིན།། དེ་མ་བྱས་ན་བདུད་དབང་འགྱུར།། ཤེས་བྱའི་དམ་ཚིག་ཉམས་གྱུར་ན།། སྐུ
251b4 ལྔ་ཡེ་ཤེས་ལྔ་ཉིད་དུ།། སྒྲ་བཅད་ལོ་མངས་བསྒྲུབས་པས་སྐོང་།། དེ་ལྟར་མ་བྱས་དམྱལ་ཁམས་བརྒྱུད།། བསྒྲུབ་པར་བྱ་བའི་དམ་ཉམས་ན།། སྲིད་གསུམ་སྐུ་གསུམ་ངོ་བོར་སྒྲུབ།། མ་བསྒྲུབས་ཡི་དྭགས་གནས་སུ
251b5 སྐྱེ།། སྤྱད་པར་བྱ་བ་ཉམས་གྱུར་ན། ཁམས་གསུམ་སེམས་ཅན་སྲོག་གཅད་ལ།། ངོ་བོ་རང་བཞིན་དངོས་པོའི་སྦྱོར་སྒྲོལ་བྱ།། དེ་ཡིས་ཉམས་པ་བསྐོངས་པར་འགྱུར།། དེ་ལྟར་མ་བྱས་ཁམས་གསུམ་འཁོར།། བླ་མ
251b6 མཉེས་པར་བྱས་པས་ནི།། སྐུ་ཡི་དམ་ཚིག་ཉམས་པ་མེད།། གདམས་ངག་ཚུལ་བཞིན་སྤྲད་བྱས་ན།། གསུང་གི་དམ་ཚིག་ཉམས་པ་མེད།། དགོངས་པ་མཉམ་པའི་དོན་གནས་ན།། ཐུགས་ཀྱི་དམ་ཚིག་ཉམས་པ
iiif viewer powered by OpenSeadragon
