| e-texts navigator |
| Wylie |
251a1 དྭགས་གནས་སུ་སྐྱེ་བར་འགྱུར།། ལྐུགས་པའི་གནས་སུ་བརྒྱུད་ཅིང་སྐྱེ།། ཐུགས་ཀྱི་དམ་ཚིག་ཉམས་གྱུར་ན།། ཡི་དྭགས་ཁྱི་ཡི་ལུས་སུ་སྐྱེ།། ཟོང་གཤོལ་ལྔ་བརྒྱ་འབར་བ་ཡིས།། དེ་ཡི་ལྕེ་ལ་གཤོག
251a2 པར་བྱེད།། དངོས་གྲུབ་འབྲས་བུ་མེད་པར་འགྱུར།། ཡི་དམ་ལྷ་ཡིས་སྙིང་ཁྲག་འཐུང་།། མི་སྤོང་དམ་ཚིག་ཉམས་གྱུར་ན།། དངོས་གྲུབ་ཐམས་ཅད་སྤངས་པར་འགྱུར།། མི་དོར་དམ་ཚིག་ཉམས་གྱུར་ན།། དངོས་གྲུབ
251a3 འབྲས་བུ་མི་ཐོབ་ཅིང་།། ཡི་དྭགས་སྤྲེའུའི་ལུས་སུ་སྐྱེ།། སྤྱད་པའི་དམ་ཚིག་ཉམས་གྱུར་ན།། འདུ་ཤེས་མེད་པའི་འགོག་པར་ལྟུང་།། ཤེས་པའི་དམ་ཚིག་ཉམས་གྱུར་ན།། འདུ་ཤེས་མེད་པའི་ཁྲོད་དུ་ལྟུང་།། གྲུབ་པའི
251a4 དམ་ཚིག་ཉམས་གྱུར་ན།། བདུད་ཀྱི་འཇིག་རྟེན་གནས་སུ་སྐྱེ།། རྟོགས་པའི་དམ་ཚིག་ཉམས་གྱུར་ན།། རུ་དྲའི་ལུས་སྐྱེས་དམྱལ་བར་ལྟུང་།། ཞེས་གསུངས་སོ།། འབྲུ་བཤད་ལས་ཀྱི་འཁོར་ལོ་ལས། དམ་ཚིག་བསྟན
251a5 པའི་སྐབས་ཏེ་སུམ་ཅུ་པའོ།། །། དེ་ནས་ཡང་བཀའ་སྩལ་པ། དེ་ཡི་ཉམས་པའི་སྐོངས་ཐབས་ནི།། སྐུ་ཡི་དམ་ཚིག་ཉམས་གྱུར་ན།། བླ་མ་འམ་རྡོ་རྗེ་སྤུན་ལ་བཤགས།། དེ་ཡིས་ཉམས་པ་སྐོངས་པ
251a6 ཡིན།། ཕྱིས་ནི་བསྐོང་བར་མི་འགྱུར་རོ།། གསུང་གི་དམ་ཚིག་ཉམས་གྱུར་ན།། བཟླས་པ་འབུམ་ཚོ་གསུམ་དུ་བསྐྱལ།། བླ་མ་ལས་ནི་ལུང་བླངས་སོ།། དེས་ནི་སྐོང་བར་འགྱུར་བ་ཡིན།། ཐུགས་ཀྱི་དམ་ཚིག་ཉམས
iiif viewer powered by OpenSeadragon
