| e-texts navigator |
| Wylie |
250b1 ཡིན།། ཐུགས་ཀྱི་དམ་ཚིག་ཅེས་བྱ་བ།། སྤྱི་གསང་བཞི་དང་བར་གསང་བཞི།། གསང་བར་འོས་དང་གསང་བར་གཉེར་གཏད་པའོ།། བུམ་པ་ནང་གི་མར་མེ་ལྟར།། ལྐོག་ཏུ་སྟོན་ན་འཆི་བ་ལྟར།། རྒྱུན་དུ་སངས་ན
250b2 དངོས་གྲུབ་འབྱུང་།། མི་སྤང་དུག་ལྔ་སངས་རྒྱས་ལྔ།། ཡེ་ཤེས་ལྔ་ཡི་ངོ་བོ་ཡིན།། སྤངས་ན་དོན་དང་ལྡན་པར་དཀའ།། མི་བོར་བདུད་རྩི་རྣམ་པ་ལྔ།། རང་བྱུང་བདུད་རྩི་རྨད་དུ་བྱུང་།། བོར་ན་རྣལ་འབྱོར་དོན་དང
250b3 འགལ།། སྤྱད་པར་བྱ་བ་སྦྱོར་སྒྲོལ་དང་།། མ་བྱིན་ལེན་དང་ངག་རྩུབ་སྲོག་གཅོད་རྣམས།། དོན་དང་རྣལ་འབྱོར་པ་ཡིས་སྤྱད།། ཤེས་པར་བྱ་བ་འབྱུང་བ་ལྔ།། ཡེ་ཤེས་ལྔ་དང་རིགས་ལྔར་ཤེས།། ཤེས་པ་སྲིད་གསུམ
250b4 སྐྱེ་གནས་མེད།། གྲུབ་པར་བྱ་བའི་དམ་ཚིག་ནི།། སངས་རྒྱས་ལྔ་རུ་གྲུབ་པར་བྱ།། ཤེས་ན་མི་སྒྲུབ་དོན་དང་འགལ།། རྩ་བའི་དམ་ཚིག་ཉམས་གྱུར་ན།། བསྐལ་པ་ཆེན་པོ་གྲངས་མེད་དུ།། དམྱལ་བ་མི་བཟད་པ་རུ
250b5 ལྟུང་།། རྒྱ་མཚོའི་ཐིགས་པ་བགྲང་བར་ནུས།། དེ་ཡི་རྣམ་སྨིན་བགྲང་མི་ནུས།། ཤིན་ཏུ་མི་བཟད་སྡུག་བསྔལ་ཏེ།། སྲིད་གསུམ་སེམས་ཅན་གསད་པའི་ས།། བླ་མའི་བཀའ་འཆག་ཆར་མི་ཕོད།། རྡོ་རྗེ་སྤུན་ལ་སྨད་པ
250b6 ནི།། ཉམས་པའི་སྐྱོན་ལ་བརྗོད་མི་ལང་།། བསྐལ་པ་གཅིག་ཏུ་དམྱལ་ཆེན་སྟོང་།། ཚེ་འདིར་བསྒྲུབས་ཀྱང་དངོས་གྲུབ་ཡལ།། གསུང་གི་དམ་ཚིག་ཉམས་གྱུར་ན།། བསྒྲུབས་ཀྱང་དོན་རྣམས་མི་འབྱུང་བས།། ཡི
iiif viewer powered by OpenSeadragon
