| e-texts navigator |
| Wylie |
24b1 ཡིན།། ཚངས་པ་དབང་ཕྱུག་ཁྱབ་འཇུག་གསུམ།། མུ་སྟེགས་ལྟ་ངན་ལྷ་ཡིན་ཏེ།། དེ་ལ་སྲོག་གི་མཆོད་པ་དབུལ།། མེ་ལ་རྟེན་དང་དབྱུག་གུ་གསུམ།། ཕྱ་འམ་དབང་ཕྱུག་མཆོད་ལེགས་ན།། མཐོ་རིས་སུ་ཡང་དེ་ཡིས
24b2 གཏོང་།། ཕྱ་འམ་དབང་ཕྱུག་མཆོད་ཉེས་ན།། ངན་སོང་དུ་ཡང་དེ་ཡིས་སྒྱུར།། དེས་ན་རིག་བྱེད་བཞི་ཡིས་སུ།། ལམ་ལོག་ཐར་པ་ཐོབ་པར་འདོད།། དེས་ན་ཡེ་ཤེས་གསང་བ་ཡིན།། བདག་ཅེས་བྱང་བའི་རྟག་པ
24b3 དེས།། མཐེ་བོང་ཉུང་འབྲུ་ཚུལ་ཏུ་འདོད།། རང་བཞིན་རྟག་པར་འདོད་པ་ནི།། སྲན་ཟླུམ་ཚེར་མ་རྣོ་སོགས་པ།། འདི་ལ་བྱེད་པ་སུ་ཞིག་ཡོད།། རང་བཞིན་རྒྱུ་དེ་རྟག་པར་འདོད།། རྟག་པར་ལྟ་བ་ཐམས་ཅད
24b4 ལ།། རིམ་དང་ཅིག་ཅར་གནོད་པའི་ཕྱིར།། དེས་ན་ཡེ་ཤེས་གསང་བ་ཡིན།། མུར་ཐུག་ཆད་པར་བལྟ་བ་ནི།། འབྱུང་བ་འདུས་པའི་སྣང་བ་ལས།། རང་སར་ཟད་ནས་ཅད་མེད་འདོད།། མ་ཤི་ཚེ་ལ་སྐྱིད
24b5 པར་སྤྱོད།། ཤི་ན་འུ་ཡི་སྤྱོད་ཡུལ་མིན།། ལུས་ཀྱང་ཐལ་བ་བཞིན་སོང་ན།། སླར་འཚོ་བ་དག་ག་ལ་སྲིད།། དཔེར་ན་སྤྱང་ཀུའི་རྗེས་དང་མཚུངས།། དེས་ན་ལོག་པའི་ལམ་ཡིན་པས།། དེ་ལ་རྟེན་པར་མི་བྱའོ།། ཆད
24b6 པ་གཉིས་འཛིན་ཤེས་པར་འདོད།། རྟེན་ཅིང་འབྲེལ་པར་འབྱུང་བའི་ཕྱིར།། དངོས་མེད་རྟག་པ་རིག་པའི་རྒྱུན།། རླུང་ལ་རྟེན་གྱིན་རྒྱུན་མི་འཆད།། དེས་ན་ཡེ་ཤེས་གསང་བ་ཡིན།། ཨེ་མ་སེམས་ཅན་སྙིང་རེ
iiif viewer powered by OpenSeadragon
