| e-texts navigator |
| Wylie |
247a1 པ་ཡི་དབུལ་པོར་འགྱུར།། མི་འཕྲོག་པ་ནི་རྫས་དང་ལྡན།། གང་ཞིག་ཟས་དང་ནོར་སྦྱིན་པ།། ཚེ་རིང་མདངས་ལྡན་སྟོབས་ལྡན་ཞིང་།། དཔལ་དང་ལྡན་ཞིང་ནད་མེད་ཅིང་།། རྟག་པར་བདེ་དང་ལྡན
247a2 པར་འགྱུར།། གོས་བྱིན་པས་ནི་ལོངས་སྤྱོད་ལྡན།། གོས་ཀྱང་རྣམ་པ་སྣ་ཚོགས་རྙེད།། མལ་སྟན་བྱིན་པས་བདེ་ལྡན་འགྱུར།། ས་གཞི་བྱིན་པས་ནོར་དང་ལྡན།། འབྲུ་བྱིན་པས་ནི་ཕུན་སུམ་ཚོགས། ཁྲིམས་བཙུན
247a3 འདོད་ཆགས་སྤངས་པས་སྐྱེས་པ་ཐོབ།། ཆགས་ཆེ་ཁྲིམས་སྲུན་བུད་མེད་འགྱུར།། ཆང་འཐུང་བ་ནི་མི་བསྟེན་པ།། ཤེས་རབ་གསལ་ཞིང་དྲན་པ་བསྟེན།། རྨོངས་མེད་བདེན་པར་སྨྲ་བར་འགྱུར། ཁྲིམས་བསྲུངས་ཁྲོ།
247a4 བའི་སེམས་ལྡན་ནས།། ལྷ་མ་ཡིན་གྱི་རིག་གནས་སུ་སྐྱེ།། དེ་ཡང་ལྷ་མ་ཡིན་དུ་སྐྱེ་བའི་ལས་དག་དང་།། དེ་ཡི་ལས་འཕྲོ་འཐུད་པ་དང་།། འཐུད་པའི་འབྲས་བུ་ལུས་དང་ཚེ་ཚད་རྣམས།། དེ་དག་བདག་གིས
247a5 འདིར་སྤྱད་དོ།། ལྷ་མ་ཡིན་དུ་སྐྱེ་བ་ཡང་།། རྟག་པར་གཡོ་དང་སྒྱུ་བྱེད་ཅིང་།། སྡིག་པ་དག་ནི་མ་བྱས་ལ།། འཐབ་ལ་དགའ་ཞིང་སྦྱིན་བྱེད་པ།། དེ་ནི་ལྷ་མིན་དབང་ཕྱུག་འགྱུར།། ལྷ་མ་ཡིན་གྱི་རྒྱལ་པོ་རྣམས།། དེ་ཡི
247a6 བློན་པོ་འཁོར་དག་རྣམས།། འཐབ་པ་དང་ནི་འཐབ་ལ་དགའ།། འཐབ་ལ་མོས་དང་བྲལ་བ་དང་།། རྩོད་པ་དང་ནི་ཆེར་རྩོད་དང་།། འོད་དང་ཉེ་བའི་འོད་དང་ནི།། སྣང་བ་དང་ནི་སྣང་གསལ་དང་།། བྱིན་ནས་བདེ
iiif viewer powered by OpenSeadragon
