| e-texts navigator |
| Wylie |
246b1 ཟེར་ཏེ། དེར་ཁོང་པོ་ནི་ཨ་ཅོ་བརྗེ་ཡམ་བྱས། བུ་རང་ཤེས་ཟེར་རོ།། བརྗེས་པའི་རྟིང་ལ་འཁྱིག་གོ་བྱས་པས་ཀྱང་བུ་རང་ཤེས་ཟེར་རོ།། དེ་ནས་ལྔར་མ་འདོད་ནས་གསོད་དོ་བྱས་པས་ཀྱང་བུ་རང་ཤེས་ཟེར
246b2 རོ།། དེར་བརྗེས་ནས་གཅིག་ནི་བདེ་བ་དང་ལྡན། བཙོན་ལས་ཐར་ཏེ་ཆོས་བྱས་པས་སངས་རྒྱས་སོ།། སྒྲ་ལ་ལྔ་པ་མེད་དེ་ཇི་སྐད་བྱས་ཀྱང་ཁྱོད་རང་ཤེས་ཟེར་ཏེ། མཐའ་གཞུག་ཏུ་ན་ན་གསལ་བསྐུལ་ཏེ། བྲག་ལ
246b3 གཏད་དེ་ཐར་པའི་དུས་མེད་དོ།། དེ་བཞིན་དུ་འཁོར་བ་དང་མྱ་ངན་ལས་འདས་ཡང་མི་འདའ་ཡང་བུ་རིགས་ཀྱི་བུ་ཚ་རྣམས་ཤེས་སོ།། ཞེས་གསུངས་སོ།། འབྲུ་བཤད་ལས་ཀྱི་འཁོར་ལོ་ལས། སྲིད་པ་ལྟོ་བཟློག་པའི
246b4 སྐབས་ཏེ་ཉེར་བཞི་པའོ།། །། དེ་ནས་ཡང་བཀའ་སྩལ་པ། ལས་འབྲས་སྤྱི་ཡིན་རྣམ་པ་འདི་དག་ཡིན།། བྱ་བ་དང་ནི་སྤངས་པའི་རིགས།། ཆགས་སྡང་ཞེ་སྡང་གཏི་མུག་གིས།། བསྐྱེད་བརྒྱུད་དངོས་སུ་ཟད་གྱུར
246b5 ན།། ངེས་པར་དམྱལ་བར་སྐྱེ་བར་འགྱུར།། མ་རྟོགས་ལས་ཀྱི་རྐྱེན་གྱིས་ཤི།། ངེས་པར་བྱོལ་སོང་ཚེ་ཐུང་འགྱུར།། འདོད་ཆགས་སྐྱེ་བརྒྱད་དངོས་པོས་བསད།། ཡི་དྭགས་འཇིག་རྟེན་ངེས་པར་སྟེ།། མི་དགེ་བཅུ
246b6 སྤངས་ཚུལ་ཁྲིམས་ཡིན།། མི་འཚེ་བ་ཡི་ལྷ་མིར་སྐྱེ།། ཚེ་ཡང་རིང་ཞིང་བདེ་དང་ལྡན།། འཚེ་བས་ཕྱི་མར་ཚེ་ཐུང་འགྱུར།། མི་དང་འབྱུང་པོ་དུད་འགྲོས་བརྡུངས།། མཛེ་ལ་སོགས་པའི་ནད་རྣམས་འབྱུང་།། ནོར་འཕྲོག
iiif viewer powered by OpenSeadragon
