| e-texts navigator |
| Wylie |
244b1 པའི་གེགས་བྱས་ནས།། འབྲས་བུ་ཡི་དྭགས་སྐྱེ་བར་འགྱུར།། གནོད་སེམས་སྤངས་པའི་འབྲས་བུ་ནི།། མཐོ་རིས་ལྷ་དང་མི་ལུས་སྐྱེ།། ཕན་འདོགས་དགེ་བའི་སེམས་ལྡན་ཏེ།། བྱང་ཆུབ་མྱུར་དུ་འགྲུབ་པར
244b2 འགྱུར།། བརྣབ་སེམས་སྤངས་པའི་འབྲས་བུ་ནི།། མཐོ་རིས་ལྷ་དང་མིར་སྐྱེ་ལ།། ཚེ་རབས་མང་པོར་ནོར་དང་འབྲུ།། བསགས་མི་དགོས་པར་འབྱོར་པར་འགྱུར།། ཞེས་གསུངས་སོ།། འབྲུ་བཤད་ལས་ཀྱི་འཁོར་ལོ
244b3 ལས།། ཡན་ལག་གི་སྐབས་ཏེ་ཉེར་གཅིག་པའོ།། །། དེ་ནས་ཡང་བཀའ་སྩལ་པ། རྩ་བ་ལོག་ལྟ་བཤད་པར་བྱ།། ལོག་ལྷ་རྣམ་པ་བཞི་རུ་བཤད།། རྟག་དང་ཆད་དང་འཁོར་དང་འཁོར་བ་དང་།། རང་གི་ལྟ་བ
244b4 གོལ་བ་རྣམས།། ལོག་པ་རང་གི་ངོ་བོ་འཁོར་བའོ།། ངེས་པའི་ཚིག་ནི་མ་གྲོལ་བ།། དབྱེ་བ་རྣམ་པ་བཞི་རུ་ཤེས།། མཐུན་མའི་དཔེ་ནི་ཟག་སྦྲུལ་འདྲ།། དཀོན་མཆོག་གསུམ་ལ་རྒྱབ་ཀྱིས་ཕྱོགས་པས་ལོག་པ་མུ
244b5 སྟེགས་དང་། དགེ་བའི་བཤེས་གཉེན་བྱུང་བ་ལ་སྐུར་བ་འདེབས་པ་སོ་སོའི་སྐྱེ་བོ་ལོག་པ་སྤྱོད་པ་ལོག་པ་དང་། རང་གི་དུག་ལྔ་ལ་རང་རྒྱུད་དུ་བལྟས་ནས། འཆི་བ་མི་དྲན་ཅིང་དམ་པའི་ཆོས་ལ་མི་མཉེས་པ་ལོག་པ
244b6 དང་།། དམ་པའི་ཆོས་མཉན་གྱིས་ཤེས་ན་རང་ལ་བསྟོད་གཞན་ལ་སྨོད་པས་ལོག་པ་དང་།། དེ་ལྟར་ལོག་པ་ལ་ནི་གང་ཟག་ལོག་པར་ཁྲིད་པ་བདུད་ཀྱི་ལས་ཞེས་བྱའོ།། དེ་ཚོ་སྤངས་པ་ལ་འབྲས་བུ་འཚང་རྒྱ་ལ། མ
iiif viewer powered by OpenSeadragon
