| e-texts navigator |
| Wylie |
243b1 རྩི།། དམ་པའི་ཆོས་དང་འབྱོར་པར་སྐྱེ།། ཞེས་གསུངས་སོ།། འབྲུ་བཤད་ལས་ཀྱི་འཁོར་ལོ་ལས། འདོད་ཆགས་ལས་འབྲས་ཀྱི་སྐབས་ཏེ་བཅོ་བརྒྱད་པའོ།། །། དེ་ནས་ཡང་བཀའ་སྩལ་པ། ཕྲ་མ་བྱས་པ
243b2 རྣམ་པ་གསུམ།། དངོས་པོར་ཕྲ་མ་དབྱེན་བཅུག་ལ། ཁ་བརྒྱད་ལུས་སུ་སྐྱེ་བར་འགྱུར།། དེ་ཡང་སྤངས་པའི་འབྲས་བུ་ནི།། མི་ལུས་ཐོབ་ནས་ངག་བཙུན་འགྱུར།། བཙན་ཕྲ་བཀོག་ཕྲ་གཞོག་ཕྲ་ཡང་།། དེ་ཡི་འབྲས་བུ
243b3 གོང་དུ་འབྱུང་།། ངག་འཁྱལ་ལ་ཡང་རྣམ་པ་གཉིས།། དགའ་དང་མི་དགའ་གཉིས་སུ་འསྡུག། དེ་སྤངས་འབྲས་བུ་མཐོ་རིས་ཐོབ།། ཚིགས་བསྔལ་དལ་ཞིང་ཁ་གསག་ཆུང་།། ཚུལ་དང་ལྡན་པའི་ཆོས་པར་སྐྱེ།། ངག
243b4 བཙུན་སྤང་བ་མ་བྱས་ན།། དག་དང་གཉེན་དུ་བྱོལ་སོང་ལ།། ངག་རྩུབ་བྱས་པའི་འབྲས་བུ་ནི།། རྒུར་ཞར་རྣམ་པ་གསུམ་ལྡན་པའི།། ཡི་དྭགས་འདྲེ་ཡི་ལུས་སུ་སྐྱེ།། དེ་སྤངས་མཐོ་རིས་ལྷ
243b5 མིར་སྐྱེ།། ཚིག་བཙན་སེམས་ཅན་མི་སླུ་ཞིང་།། བྱམས་སེམས་གཉིས་ལ་གནས་པར་སྐྱེས།། མྱུར་དུ་བྱང་ཆུབ་འགྲུབ་པར་འགྱུར།། ཞེས་གསུངས་སོ།། འབྲུ་བཤད་ལས་ཀྱི་འཁོར་ལོ་ལས།། ངག་གི་ཡན་ལག་གི།།
243b6 སྐབས་ཏེ་བཅུ་དགུ་པའོ།། །། དེ་ནས་ཡང་བཀའ་སྩལ་བ། དེ་རྣམས་རྩ་བ་བདུན་ཡིན་ཏེ།། རྫུན་ལས་དེ་གསུམ་འཕྲོས་པ་ཡིན།། ཐམས་ཅད་རྫུན་ལས་འཕྲོས་པ་ཡིན།། ཕན་པའི་རྫུན་དང་གནོད་བའི
iiif viewer powered by OpenSeadragon
