| e-texts navigator |
| Wylie |
242b1 པའོ།། །། དེ་ནས་ཡང་བཀའ་སྩལ་པ། འདོད་ཆགས་སྒོ་ནས་སྲོག་བཅད་པ།། བསྐྱེད་ནས་བཅད་པས་ཕྱི་ནང་སྒྲིབ་པ་ཅན་དུ་སྐྱེ།། བརྒྱུད་ནས་བཅད་པས་ནང་སྒྲིབ་ཅན་དུ་སྐྱེ།། དངོས་པོ་ཤ་ཁྲག་འདོད་ཕྱིར
242b2 བསད།། ཕྱི་ཡི་སྒྲིབ་པ་ཅན་དུ་སྐྱེ།། དེ་རྣམས་སྤངས་ནས་ཆོས་སྤྱད་ན།། བྱམས་དང་སྙིང་རྗེར་ལྡན་པས་ན།། མཐོ་རིས་མི་དང་ལྷ་རུ་སྐྱེ།། དེ་ཡི་ལས་འཕྲོ་འཐུད་པས་ནི།། ཚེ་རིང་ནད་མེད་བདེ་དང་ལྡན།། དེ་ལྟར
242b3 སྡོམ་པ་ཐུབ་པ་ཡིས།། ཉེས་བྱས་མེད་པས་ཕམ་པར་མེད།། ལྕི་བ་མེད་པས་ལྟུང་བ་མེད།། ཅེས་གསུངས་སོ།། སྲོག་གཅོད་པ་དང་།། དེའི་འབྲས་བུ་དང་། དེ་སྤངས་པའི་ལས་ཀྱི་འབྲས་བུ་བསྟན་པ།། འབྲུ་བཤད
242b4 ལས་ཀྱི་འཁོར་ལོ་ལས། སྐབས་ཏེ་བཅུ་དྲུག་པའོ།། །། དེ་ནས་ཡང་བཀའ་སྩལ་པ། མ་བྱིན་པར་ནི་ལེན་པ་ལ།། རྣམ་པ་བཞི་རུ་ཤེས་པར་བྱ།། བརྒྱུད་ནས་མ་བྱིན་ལེན་པ་ཡིས།། བྱོལ་སོང་ཁྱི་ཡི་ལུས་སུ
242b5 སྐྱེ།། དངོས་པོས་མ་བྱིན་བླངས་པ་ནི།། ཕོ་རོག་སྟོང་ཐུབ་བྱ་ལྟོགས་སྐྱེ།། བྱིན་གྱིས་བརླབས་ནས་མ་བྱིན་བླངས།། འོལ་བ་བྱ་གག་མ་ཡི་ལུས་འདྲར་སྐྱེ།། རྐུས་ཏེ་མ་བྱིན་བླངས་གྱུར་ན།། སེམས་ཅན་བྱི་བའི་ལུས
242b6 དང་ལུས་སྲུལ་པོ།། སྐྱུགས་པ་ཟ་བ་རྣམས་སུ་སྐྱེ།། ཡང་ན་དེ་དག་ཐམས་ཅད་ནི།། ཕྱི་ས་ཟ་བའི་འབུ་སྲིན་སྐྱེ། དེ་ཚེ་སྤངས་པའི་འབྲས་བུ་ནི།། མཐོ་རིས་ལྷ་དང་མིར་སྐྱེ་ནས།། ཚེ་རིང་བསོད་ནམས་ཆེ་བ
iiif viewer powered by OpenSeadragon
