| e-texts navigator |
| Wylie |
242a1 གྱིས་ཚང་།། བྱམས་དང་སྙིང་རྗེའི་ཁྱབ་པ་ན།། འབྲས་བུ་མི་ལུས་གཙང་མ་ཐོབ།། འཛམ་བུ་གླིང་དུ་སྐྱེ་བར་འགྱུར།། དེ་ནས་ལས་ཀྱི་འཕྲོ་འཐུད་དེ།། དེ་ཡི་འབྲས་བུའི་དུས་ཚོད་བསྟན།། ཅེས་གསུངས
242a2 སོ།། ཡི་གེ་འབྲུ་བཤད་ལས་ཀྱི་འཁོར་ལོ་ལས། གཏི་མུག་གི་སྒོ་ནས་སྲོག་གཅོད་པའི་ལས་འབྲས་བསྟན་པའི་སྐབས་ཏེ་བཅུ་བཞི་པའོ།། །། དེ་ནས་ཡང་བཀའ་སྩལ་པ། ཞེ་སྡང་གི་སྒོ་ནས་སྲོག་གཅོད
242a3 པ།། དེ་ལས་རྣམ་པ་གསུམ་དུ་བསྟན།། བསྐྱེད་ནས་གསོད་པར་བྱེད་པ་ཡིན།། བུ་དང་ཚ་བོ་གཉེན་ལ་སོགས།། དེ་བསྐྱེད་གསད་པའི་ལས་བྱས་པས།། གསོད་དུ་འཇུག་དང་བསད་པ་དང་།། གསོད་པ་རྣམས་ལ་རྗེ
242a4 ཡི་རང་།། དེ་ཡིས་པར་དོར་འོད་ལས་ཞེ་སྡང་སྐྱེས།། འོད་འགྱུར་ཚ་བའི་དམྱལ་བར་སྐྱེ།། ལུས་དང་ཚེ་ཚད་གོང་ལྟར་རོ།། དེ་ནས་ཡི་དགས་གནས་སུ་སྐྱེ།། ཕྱི་ནང་སྒྲིབ་པ་ཅན་དུ་སྐྱེ།། བརྒྱུད་ནས་གསོད་པར་བྱེད་པ
242a5 ཡང་།། གཉིས་ཀ་ཉི་ཚེ་ཉེ་འཁོར་སྐྱེ།། དེ་ནས་ཕྱི་ཡི་སྒྲིབ་པ་ཅན་དུ་སྐྱེ།། དངོས་པོ་སྣང་ཐུགས་བསད་པ་ནི།། གྲང་བའི་དམྱལ་བའི་ཆུ་བུར་ཅན།། དེ་འཕོས་ཕྱི་ནང་སྒྲིབ་པ་ཅན་དུ་སྐྱེ།། ཞེས་གསུངས་སོ།། ཕ་མའམ
242a6 བླ་མ་མཆེད་གྲོགས་ལ།། གོང་མ་གསུམ་པོ་ཅི་བསད་ཀྱང་།། ངེས་པར་རྡོ་རྗེ་དམྱལ་བར་སྐྱེ།། ཞེས་གསུངས་སོ།། འབྲུ་བཤད་ལས་ཀྱི་འཁོར་ལོ་ལས། ཞེ་སྡང་གི་སྒོ་ནས་སྲོག་བཅད་པའི་སྐབས་ཏེ་བཅོ་ལྔ
iiif viewer powered by OpenSeadragon
