| e-texts navigator |
| Wylie |
23b1 ཕྱིན་ཅི་ལོག། འབྲས་བུ་ཁམས་གསུམ་སེམས་ཅན་བྱུང་།། འཁོར་བ་ཐོག་མཐའ་མེད་པ་ནས།། རྒྱུ་རྐྱེན་རྟོག་པའི་རྐྱེན་བཞིས་འཁྲུལ།། ལྷན་ཅིག་སྐྱེས་པའི་མ་རིག་པས།། ཀུན་ནས་སློང་བའི་ས་བོན་བྱས།། ལས་དང
23b2 ཉོན་མོངས་རྐྱེན་བྱས་ནས།། ཀུན་རྟགས་མ་རིགས་པ་ཡིས་འཁྲུལ།། གྲིབ་མ་གཟུགས་ཀྱི་དཔེ་བཞིན་དུ།། སྐྱོད་བྱེད་ལས་ཀྱི་ལུང་གི་རླུབས།། ཞེས་སྡང་དམྱལ་བའི་ཚ་གྲང་འཁོར།། ཉོན་མོངས་ཞེས་སྡང་རྣམ་སྨིན
23b3 གྱིས།། དམྱལ་བའི་གནས་སུ་སྐྱེས་སྲིད་ན།། ཞེས་སྡང་ཡེ་ཤེས་ཉིད་དུ་ཤེས།། ཞེ་སྡང་མ་སྤངས་གནས་སུ་དག། དེ་ལྟར་མ་ཤེས་ཡེ་ཤེས་གསང་།། སེར་སྣ་བཀྲེས་སྐོམ་ཡི་དྭགས་འཁོར།། སེར་སྣ་ལས་ཀྱི་རྣམ་སྨིན
23b4 གྱིས།། ཡི་དྭགས་གནས་སུ་སྐྱེས་སྲིད་ན།། སེར་སྣ་ཡེ་ཤེས་ཉིད་དུ་ཤེས།། སེར་སྣ་མ་སྤངས་གནས་སུ་དག། དེ་དོན་མ་རིག་ཡེ་ཤེས་གསང་།། གཏི་མུག་གླེན་ལྐུག་བྱོལ་སོང་འཁོར།། གཏི་མུག་ལས་ཀྱི་རྣམ་སྨིན
23b5 གྱིས།། དུད་འགྲོའི་གནས་སུ་སྐྱེ་སྲིད་ན།། གཏི་མུག་ཡེ་ཤེས་ཉིད་དུ་ཤེས།། གཏི་མུག་མ་སྤངས་གནས་སུ་དག། དེ་ཉིད་མ་རིག་ཡེ་ཤེས་གསང་།། ཕྲག་དོག་འགྱུར་བ་མི་རུ་འཁོར།། ཕྲག་དོག་ལས་ཀྱི་རྣམ་སྨིན
23b6 གྱིས།། མི་ཡི་གནས་སུ་སྐྱེས་སྲིད་ན།། ཕྲག་དོག་ཡེ་ཤེས་ཉིད་དུ་ཤེས།། ཕྲག་དོག་མ་སྤངས་གནས་སུ་དག། དེ་དོན་མ་སྤངས་ཡེ་ཤེས་གསང་།། ང་རྒྱལ་འཐབ་རྩོད་ལྷ་མིན་འཁོར།། ང་རྒྱལ་ལས་ཀྱི་རྣམ་སྨིན
iiif viewer powered by OpenSeadragon
