| e-texts navigator |
| Wylie |
23a1 ཤེས་དབྱེར་མེད་བལྟ།། ཡི་གེ་འཁོར་ལོ་ཚོགས་ཆེན་བལྟ།། རང་འདོད་འབྲས་བུ་ཐོབ་མོད་ཀྱང་།། མཐར་ཟུག་འབྲས་བུ་དེས་མི་ནུས།། དེས་ན་ཨེ་མ་ཡེ་ཤེས་གསང་།། བརྩལ་བའི་བསམ་པས
23a2 དབྱིངས་མི་བསྐྱོད།། དེས་ན་དེ་སྒྲིབ་སྐྱོན་ཅན་ཡིན།། དེ་བས་དེ་ལུང་དེ་ཉིད་ལ།། དེ་ནས་དེ་ཉིད་གྲུབ་པ་མེད།། བྱ་བྲལ་རྫོགས་པ་ཆེན་པོ་ལ།། རིམ་བརྒྱད་བགྲོད་པས་རྩོལ་བྲལ་སླད།། དེས་ན་ཡེ་ཤེས་གསང
23a3 བའོ།། ཞེས་གསུངས་སོ།། གསང་བ་མཐའ་དང་མཉམ་པ་ལས། གང་ལ་གསང་བའི་ལེའུ་སྟེ་ལྔ་པའོ།། །། དེ་ནས་སེམས་དག་ལྷ་ཡི་བུས།། བཅོམ་ལྡན་འདས་ཕྱག་ན་རྡོ་རྗེ་ལ།། ཞེན་དྲུག་འཁོར་བར
23a4 འཁྱམས་པ་ཡི།། མ་རིག་འཁྲུལ་པ་ཇི་ལྟར་ལགས།། ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ།། བྱང་ཆུབ་སེམས་ཀྱི་རང་བཞིན་ནི།། གདོད་ནས་མ་སྐྱེས་འོད་གསལ་དེ།། འཁོར་འདས་མ་ལུས་ཀུན
23a5 ཁྱབ།། ཆོས་རྣམས་ཀུན་གྱི་ངོ་བོར་ཤར།། སངས་རྒྱས་སྐུ་དང་ཡེ་ཤེས་ཐུགས།། སེམས་ཅན་ལུས་ངག་ཡིད་ལ་ཁྱབ།། ཐམས་ཅད་དབྱེར་མེད་བྱང་ཆུབ་སེམས།། དེ་ལྟར་དག་པའི་དོན་རིག་ན།། དཔེར་ན་ཀུན
23a6 བཟངས་སེང་ཕྲུག་བཞིན།། ཤེས་རབ་ཅན་གྱིས་རྟོགས་འགྱུར་ཏེ།། མ་རྟོགས་མུན་པའི་མཚོ་ལ་སྤྱོད།། རྟོགས་ན་སྐུ་གསུང་ཐུགས་ཡིན་ཏེ།། རང་བྱུང་ལྔ་རུ་སྣང་བ་ལས།། རང་བྱུང་ཉིད་དུ་མ་རིག་པས།། ཞེན་པ་ལྔ་རུ
iiif viewer powered by OpenSeadragon
