| e-texts navigator |
| Wylie |
236b1 འཕྲོ་འཐུད།། ཚེ་ཡི་ཚད་ནི་བརྒྱད་ཁྲི་ཐུབ།། ཅི་ཡང་མེད་པའི་སྐྱེ་མཆེད་ཅེས་སུ་བརྗོད།། ཡོད་མིན་མེད་མིན་སྐྱེ་མཆེད་ནི།། འདུ་ཤེས་ཡོད་པ་ཡང་མ་ཡིན།། མེད་པའང་མ་ཡིན་ནོ་སྙམ་དུ་སྒོམ།། དེ་ཤི་འོད་ལ་ལས
236b2 འཕྲོ་འཐུད།། ཚེ་ཡི་ཚད་ནི་བརྒྱད་ཁྲི་ཐུབ།། ཡོད་མིན་མེད་མིན་ཞེས་སུ་བཤད།། ཏིང་འཛིན་དེ་ཡི་སྐྱེས་ཚད་དང་།། མཐའ་བཞི་དྲས་མཐས་མ་མཆོད་པས།། དཀར་པོ་ལྟར་དུ་འཁོར་ཞེས་བརྗོད།། དེ་ལྷུང་དམྱལ་བར
236b3 སོང་གྱུར་ཡང་།། ཏིང་འཛིན་དེ་ཡི་ཁྱད་པར་གྱིས།། གྱང་ལ་སྲན་མ་བྲིམས་པ་འདྲ།། དེ་ནས་ཐར་པ་ཐོབ་འགྱུར་བས།། བསམ་གཏན་སྒོམ་པ་ཤིན་ཏུ་གཅེས།། ཞེས་གསུངས་སོ།། ཡི་གེ་འབྲུ་བཤད་འཁོར་ལོ་ལས།།
236b4 སྐྱེ་མཆེད་མུ་བཞི་བསྟན་པ་དེ་གསུམ་པའོ།། །། དེ་ནས་འདོད་ཁམས་གནས་རིག་བཅུ་བདུན་ཡང་།། འབྲུ་བཤད་འདི་ལས་ཤེས་པར་བྱ།། རྣམ་པར་སྨིན་པའི་ཡིད་ལུས་ནི།། ཆུ་བུར་ཅན་དུ་སྐྱེ་བའི་ལས་དག
236b5 དང་།། དེ་ཡི་འོད་གསལ་འཕྲོ་འཐུད་དང་།། དེ་ཡི་ཚེ་ཚད་ལུས་པོ་ཚད།། ཆུ་བུར་རྡོལ་པར་སྐྱེ་བའི་ལས་མཐའ་དང་།། དེ་ཡི་འཕྲོ་འཐུད་དུས་ཚོད་དང་།། དེ་ཡི་ཚེ་ཚད་ལུས་ཚད་དང་།། ཨ་ཅུ་ཟེར་བར་སྐྱེ་བའི་ལས
236b6 དག་དང་།། དེ་ཡི་འཕྲོ་འཐུད་ལས་དག་དང་།། དེ་ཡི་ཚེ་ཚད་ལུས་ཚད་དང་།། ཀྱི་ཧུད་ཟེར་བར་སྐྱེ་བའི་ལས་དག་དང་།། དེ་ཡི་འཕྲོ་འཐུད་དུས་ཚོད་དང་།། དེ་ཡི་ཚེ་ཚད་ལུས་ཚད་དང་།། སོ་ཐམས་སྐྱེ་བའི་ལས་དག
iiif viewer powered by OpenSeadragon
