| e-texts navigator |
| Wylie |
235b1 འབྲུ་བཤད་པས།། རྩལ་དང་ལས་དང་འཁོར་ལོ་གསུམ།། དེས་ན་ཡི་གེ་འབྲུ་བཤད་ལས་ཀྱི་འཁོར་ལོ་ཡིན།། ཐོག་མ་ལས་ཀྱི་གཞི་མེད་ན།། ལས་ཀྱིས་འཁོར་བར་མི་འགྱུར་རོ།། ཐོག་མ་ལས་ཀྱི་གཞི་མེད་ན།། རང
235b2 གྲོལ་དགོངས་པ་འཆར་མི་སྲིད།། དེ་ཉིད་གཞི་ལས་མ་གྲུབ་ན།། འཁོར་བ་རྣམ་དག་འབྱུང་མི་སྲིད།། དེ་ལ་འཁོར་བའི་ཡིག་འབྲུ་བཤད་པར་བྱ།། དང་པོ་བཞི་ལྔ་རྒྱུ་དྲུག་རྐྱེན་ལྔ་ལས།། བསགས་པའི་ལས་ནི་མ་ཡིན།
235b3 ཏེ།། རྒྱུ་བཞི་ཡི་ལས་སུ་འཁྲུལ་པ་ཡིན།། རྒྱུ་དྲུག་རྐྱེན་ལྔས་འདུས་བྱས་ཕུང་པོ་གྲུབ།། ཐོག་མའི་རྒྱུ་དྲུག་ཕུང་པོ་ལ།། ཡིད་ལུས་འོད་ལུས་ཤ་ཁྲག་ལུས།། ལུས་སུ་འོང་བར་རང་བཞིན་ལུས་ཀྱིས་ལེན།། ལེན་པ་ལུས
235b4 སུ་འཁྲུལ་བ་ཡིན།། ལུས་ཀྱི་འབྲས་བུ་དེ་ལ་ཚེ་ཚད་ལུང་བསྟན་མེད།། རྒྱུ་དང་རྐྱེན་དང་རིག་པ་སེམས་བཙལ་གསུམ།། དེ་གསུམ་རིང་ཐུང་ཆེ་ཆུང་དུས་ཚོད་མཚུངས།། ཡི་གེ་འབྲུ་བཤད་འཁོར་ལོ་ལས།། གཞི
235b5 དང་རྒྱུའི་ངོ་བོ་བཤད་པ་དང་པོའོ།། །། དེ་ནས་འབྲས་བུའི་འབྲུ་བཤད་བསྟན་པ་ནི།། འབྲས་བུ་བསྡུ་ན་རྣམ་པ་གསུམ།། འགྲོ་དྲུག་ལོངས་སྐུ་ཆོས་སྐུ་གསུམ།། འགྲོ་དྲུག་དག་ལ་རྣམ་པ་གཉིས།། མཐོ་རིས
235b6 ངན་འགྲོ་རྣམ་པ་གཉིས།། ངན་འགྲོ་དམྱལ་ཁམས་བཅོ་བརྒྱད་བཞི།། ཡི་དྭགས་རྣམ་སྨིན་གནས་དང་རྒྱུ་བ་དྲུག། བྱོལ་སོང་སྤྲུལ་པ་རྣམ་སྨིན་རང་རྒྱུད་གསུམ།། མཐོ་རིས་མི་ལ་རྣམ་པ་བཞི།། གླིང་བཞི་ཚེ་ཚད་ལུས
iiif viewer powered by OpenSeadragon
