| e-texts navigator |
| Wylie |
235a1 བུ།། དུས་གསུམ་གྱི་ཕ་མ། ཅང་ཤེས་ཀྱི་རྟ་ཕོ། རང་བྱུང་གི་མི་ཕོ། སྟོབས་ཀྱི་གླང་པོ། ནོར་བུ་རིན་པོ་ཆེ། ཐམས་ཅད་སྐྱེད་པའི་བཙུན་མོ་དམ་པའི་དཔལ། དེ་སྤྲུལ་ནས་སྤྱོད་པའི་འཁོར་ལོ། ཐམས
235a2 ཅད་འཁོར་ལོ་སྒྱུར་བའི་བློན་པོ།། བདེ་བ་ཆེན་པོའི་འབྱུང་གནས།། འགག་པ་མེད་པ་ཆེན་པོ་དེ་ནས། དང་པོའི་སངས་རྒྱས་གཞི་མ་དེ་ནི་ཡི་གེ་ཨ་ཡིན་ཏེ། རྫོགས་པའི་སངས་རྒྱས་ཨ་ལས་བྱུང་།། ཨ་ནི་ཡིག་འབྲུ
235a3 ཀུན་གྱི་མཆོག། དོན་ཆེན་ཡི་གེ་དམ་པ་ཡིན།། སྣང་བ་དབྱིབས་ཀྱི་ཨ་དང་གྲག་པ་སྒྲ་ཡི་ཨ།། མཚོན་པ་ཚིག་གི་ཨ་དང་བཀོད་པ་ཡི་གེའི་ཨ།། ཡེ་ཤེས་ཡང་དག་གཞི་ཡི་ཨ།། འདི་ནི་ཡང་དག་གཞི་ཡི་ཨ།། ཨ་ནི་སྐྱེ
235a4 མེད་ནམ་མཁའ་དྲ།། ནམ་མཁའི་ངང་ལས་ཨ་བྱུང་བས།། ཨས་ནི་ཚིག་འབྲུ་ཐམས་ཅད་བསྐྱེད།། ཚིག་གི་ཨ་ནི་མ་ཡིན་དོན་གྱི་ཨ།། ཚིག་ཏུ་བརྗོད་པ་སྤངས་པ་སྟེ།། བརྗོད་པ་ཀུན་གྱི་རྒྱུ་ཡི་མཆོག། ཚིག་ཀུན་རབ་ཏུ
235a5 གསལ་བར་བྱེད།། ཅེས་གསུངས་སོ།། དེ་ལ་དང་པོ་ཐོག་མ་མེད་པའི་དུས་ཉིད་ན།། ཨ་ཡི་གཞི་རུ་གནས་པ་ཡིན།། ཨ་ཤེས་ཤ་ཡི་གཞི་རུ་གནས།། ཡེ་ནས་ཡོད་པས་ང་རུ་གནས།། སྐུ་གསུང་གཞི་ཡིན་ཀ་རུ
235a6 གནས།། ཐམས་ཅད་གཅིག་པས་མ་རུ་གནས།། ཐམས་ཅད་མ་འགག་ཧ་རུ་གནས།། ཡི་གེ་དྲུག་པ་གཞི་ལ་གནས།། དབྱིངས་དང་སྒྲུབས་བྱེད་གཞན་སེལ་དང་།། ཕན་པའི་རྐྱེན་དང་གཞི་ཚང་ན།། ཡི་གེའི་ངོ་སྤྲོད
iiif viewer powered by OpenSeadragon
