| e-texts navigator |
| Wylie |
234a1 ལྟར།། མ་བཙལ་ལྷུན་རྫོགས་ཀུན་ཏུ་བཟང་།། ཞེས་གསུངས་སོ།། ཉ་མོ་འཁོར་ལོའི་རྒྱུད་ལས།། ལྷུན་གྱིས་གྲུབ་པའི་ལེའུ་སྟེ་བཅུ་དྲུག་པའོ།། །། དེ་ནས་འདུས་པའི་ཚོགས། བཅོམ་ལྡན་འདས
234a2 བདེ་བ་ཆེན་པོས་འདི་སྐད་ཅེས་གསུངས་སོ།། ཀྱེ་འདུས་པའི་ཚོགས་ཆེན་པོ། གསང་མཛོད་རིག་པ་ཐུགས་ཀྱི་གཏེར།། ཐམས་ཅད་བྱང་ཆུབ་སེམས་ཀྱི་ལུང་།། བདེ་ཆེན་རྫོགས་པ་ཀློང་གི་མདོ།། གསང་བ་རིག
234a3 པ་ཐབས་ཀྱི་དབྱིག། བྱ་བྲལ་རྫོགས་ལུང་ཡང་སྙིང་སྟེ།། གསང་བ་ཀུན་འདུས་རྫོགས་པ་སྟེ།། ཉ་མོ་འཁོར་ལོ་གསང་བའི་རྒྱུད།། མེད་ལས་ཀུན་འབྱུང་རང་གསལ་བས།། ཟད་མེད་གཏེར་ཆེན་མཛོད་ཡིན
234a4 ཏེ།། ཐམས་ཅད་སེམས་སུ་གསལ་བས་ན།། བྱང་ཆུབ་སེམས་ཀྱི་རྫོགས་ལུང་ལ།། བདེ་ཆེན་དང་དུ་ཀུན་རྫོགས་པས།། སེལ་མེད་རིག་པ་ཀློང་གི་མདོ།། རྟོག་གེའི་སྤྱོད་ཡུལ་མ་ཡིན་ཞིང་།། བཙལ་མེད་ཐམས་ཀྱིས
234a5 ཀུན་འབྱུང་བའོ།། ཐམས་ཅད་རྫོགས་པའི་བྱང་ཆུབ་སེམས།། རྒྱལ་བའི་སྙིང་པོ་སེམས་ཀྱི་ལུང་།། སྒྲོ་སྐུར་མེད་པར་བཤད་པ་ཡིན།། ཟབ་མོ་བརྟག་དཀའི་སྤྱོད་ཡུལ་ལ།། མ་འདུས་པ་ཡི་ཆོས་མེད་པས།། རྫོགས
234a6 ཆེན་ཀུན་འདུས་ཐེག་པའི་རྩེ།། རྒྱ་མཚོ་གཏིང་གི་ཉ་མོ་ལྟར།། བཙལ་བྲལ་རིག་པ་དབྱིངས་ལ་རྒྱུ།། སྤྱོད་ལམ་འགག་མེད་ཉམ་པ་མེད།། ཇི་ལྟར་གནས་པ་ལེགས་པའི་ལམ།། འཁོར་ལོ་སྒྲོ་འདོགས་སྐུར་པ
iiif viewer powered by OpenSeadragon
