| e-texts navigator |
| Wylie |
233b1 བས།། གཞན་ལས་ཐོབ་པའི་འབྲས་བུ་མིན།། དུས་གསུམ་ཅིག་ཅར་ལྷུན་རྫོགས་པས།། རིམ་པར་ཐོབ་པའི་འབྲས་བུ་མིན།། ཐོག་མ་ཐ་མའི་ཚད་མེད་པས།། གྲངས་དང་ཚད་ཀྱི་འབྲས་བུ་མིན།། མ་བཙལ་རང
233b2 བཞིན་ལྷུན་གྲུབ་པས།། བཙལ་ཞིང་སྒྲུབ་པའི་འབྲས་བུ་མིན།། དང་པོར་སྐྱེ་བའི་རྒྱུ་མེད་པས།། ཐ་མར་འཇིག་ཅིང་འགག་པ་མེད།། རང་བྱུང་ལྷུན་གྲུབ་འབྲས་བུ་ནི།། གདོད་ནས་ལྷུན་གྲུབ་རང་འཆར་བས།། འབྱུང
233b3 བ་ལྔ་ལ་རག་མ་ལས།། སྐུ་གསུང་ཐུགས་ལ་རྟེན་མི་འཆའ།། གསལ་བྱེད་རིག་པའི་སྒྲོན་མ་ཡིས།། གཏེར་ཁྱིམ་ཕུང་པོ་གསལ་བྱེད་ལྟར།། དམན་པའི་བློ་སྤངས་གང་དག་ལ།། ལག་གི་ནོར་བུ་བསྟན་དང
233b4 མཚུངས།། ཏཀྵ་ཀ་ཡི་ནོར་བུ་ལྟར།། མ་བསགས་ལྷུན་གྲུབ་བྱིན་རླབས་ཅན།། འཛིན་རྟོག་ཞེན་པ་མི་མངའ་ཡང་།། བྱིན་རླབས་རྒྱ་མཚོའི་ཚུལ་དུ་སྣང་།། སུརྱ་འོད་ཀྱི་སྙིང་པོ་ལྟར།། གདོད་ནས་རྫོགས་པའི་བྱིན
233b5 བརླབས་ཉིད།། འགྲོ་འོང་མེད་པར་སྣང་བ་ལས།། རྒྱུ་འབྲས་རིམ་པ་ག་ལ་ཡོད།། འབྲས་བུ་ཉིད་ལ་འབྲས་བུ་འབྱུང་།། གདོད་ནས་ལྷུན་རྫོགས་སྙིང་པོ་ལ།། རྒྱུ་དང་འབྲས་ལྟ་ག་ལ་ཡོད།། རིན་ཆེན་གསེར་གྱི་གོང་བུ
233b6 ལྟར།། ཇི་ལྟར་སྣང་ཡང་དབྱིངས་ལ་འདུས། ཁྱབ་པ་རོ་ཡི་ཚུལ་བཞིན་དུ།། ཀུན་ཀྱང་ཆོས་སྐུ་ཉིད་ལ་འདུས།། རང་བྱུང་ཡེ་ཤེས་རྟོགས་གྱུར་ན།། ལྷུན་གྲུབ་ཡེ་ནས་བཙལ་མི་དགོས།། ལྷུན་གྲུབ་རིན་ཆེན་སྙིང་པོ
iiif viewer powered by OpenSeadragon
