| e-texts navigator |
| Wylie |
233a1 སྨོས་པ་ཅི་ཞིག་དགོས།། གསང་དོན་བཏགས་ན་བདེ་བའི་ས།། དེ་མ་ཐག་ཏུ་ལྷུན་གྱི་གྲུབ།། མ་ཆགས་ཐབས་ཀྱི་མཛད་པ་ནི།། ཅི་ཡང་ཡིན་ནོ་གང་ཡང་རུང་།། མ་བཅོས་ཐབས་ཀྱི་འཕྲིན་ལས
233a2 ལ།། བྱ་དང་མི་བྱ་ཅི་ལ་ཡོད།། བདག་མེད་གཞན་མེད་རིག་པའི་ཀློང་།། བསམ་ཞིང་སྤྱད་མེད་དེ་བཞིན་ཉིད།། ཕྱི་ནང་ཀུན་བྲལ་ཆོས་ཀྱི་དབྱིངས། ཁྱབ་པར་གསལ་ལ་ངོས་གཟུང་མེད།། མི་འབྱུང་མི་འཇུག
233a3 དགོངས་པའི་ཀློང་།། བྱ་མེད་མ་མ་ཡེངས་དྲན་བསམ་བྲལ།། རང་གཞག་རིག་པ་གྱི་ནར་གནས།། བྱ་བྲལ་རིག་པའི་འཕྲིན་ལས་ཏེ།། མ་བཅོས་རིག་པ་ཐབས་ཀྱིས།། ཞེས་གསུངས་སོ།། ཉ་མོ་འཁོར་ལོའི་རྒྱུད
233a4 ལས། བྱ་བཙལ་བྲལ་བར་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས་ཡང་བྱང་ཆུབ་སེམས་དཔའ་རྡོ་རྗེ་སྙིང་པོས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། ཀྱེ་མ་སངས་རྒྱས་ཐམས་ཅད་ཀྱི།། རང
233a5 བྱུང་ཉག་གཅིག་དྲི་མེད་ལ།། རྩོལ་ཞིང་སྒྲུབ་པའི་ཆོས་མེད་པའི།། རང་བྱུང་འབྲས་བུ་ཇི་ལྟར་སྨོན།། ཞེས་ཞུས་སོ།། དེ་ནས་དེ་བཞིན་གཤེགས་པ་ཀུན་ཏུ་བཟང་པོས།། འདུས་པའི་ཚོགས་ལ་འདི་སྐད་ཅེས་གསུངས
233a6 སོ།། ཀྱེ་སེམས་དཔའ་ཆེན་པོ། གདོད་ནས་མ་བཙལ་ལྷུན་གྲུབ་པས།། བགྲོད་པས་ཐོབ་པའི་འབྲས་བུ་མིན།། རྒྱུ་རྐྱེན་མེད་པའི་རང་བྱུང་བས།། སྐྱེ་ཞིང་འཇིག་པའི་འབྲས་བུ་མིན།། ཐམས་ཅད་བྱང་ཆུབ་སྙིང་པོ
iiif viewer powered by OpenSeadragon
