| e-texts navigator |
| Wylie |
232b1 རྫོགས་པའི་འཕྲིན་ལས་ནི།། ཡིན་ནོ་དགག་བྲལ་ལྷུན་གྱིས་གྲུབ།། ཆུ་དང་རོལ་བ་ལྷུན་གྲུབ་བལྟར།། བྱས་པ་མེད་པར་རང་བཞིན་གསལ།། བཙལ་བྲལ་སེམས་ཀྱི་འཕྲིན་ལས་ནི། ཁྱབ་པར་གསལ་ལ་དངོས་པོ
232b2 མེད།། དཔེར་ན་ཉི་མའི་འོད་དང་མཚུངས།། གསང་བ་རིག་པའི་རྗེས་སུ་མཐུན།། བྱས་པ་ཟིན་པས་བྱ་མི་དགོས།། ལྷུན་གྱིས་གྲུབ་པས་བཙལ་མི་དགོས།། ཡེ་ནས་དག་པས་སྦྱང་མི་དགོས། ཁམས་གསུམ་རིག་པར
232b3 གཅིག་པས་ན།། འཕྲིན་ལས་རྣམ་བཞི་བྱ་མི་དགོས།། འགྲོ་དྲུག་སེམས་སུ་སངས་རྒྱས་དང་།། སྙིང་རྗེས་འགྲོ་དོན་བྱ་དང་བྲལ།། ཡེ་ནས་བྱར་མེད་བྱ་དང་བྲལ།། དངོས་ལ་དེ་ལྟར་མི་གནས་ཀྱང་། ཁྱབ་པའི་གདུལ
232b4 བྱའི་སྣང་བ་ལ།། ལྷུན་གྲུབ་རིན་ཆེན་འབར་བ་ལྟར།། བཙལ་མེད་བྱིན་གྱིས་བརླབས་ཀྱིས་འབྱུང་།། གདུལ་བྱའི་དུས་ན་སྐབས་ཀྱིས་མཐུན།། ལྷུན་གྲུབ་དུས་ན་ཕྱོགས་རིས་མེད།། སྐུ་གསུང་མཛད་པ་མཐའ་ཡས
232b5 པ།། ལྷུན་གྲུབ་སེམས་ཀྱི་མཛད་པ་ཡིན།། ལྷུན་གྲུབ་མཛད་པ་མ་རྟོགས་ན།། ཕྱོགས་འཛིན་མཛད་པས་དོན་མི་མཐོང་།། བྱ་བྲལ་གསང་བའི་མཛད་པ་ནི།། གང་ཡང་མིན་ནོ་དེ་ལྟར་ཡིན།། ཐབས་ལྡན་རིག་པ་གཏེར
232b6 གྱི་དབྱིངས།། བག་ཡངས་ཐབས་ལ་འགག་པ་མེད།། མ་རིག་ལོག་པ་དྲངས་ཐབས་སུ།། ཐབས་ཀྱི་མཛད་པ་བསམ་མི་ཁྱབ།། མུ་སྟེགས་དམན་པའི་མཛད་སྤྱོད་ཀྱང་།། རོལ་པ་བདེ་མཆོག་ཉིད་ཡིན་ན།། གཞན་ལྟ
iiif viewer powered by OpenSeadragon
