| e-texts navigator |
| Wylie |
21b1 བཞིས།། གོ་རིམས་སྦྱར་ཏེ་བཤད་པར་བྱ།། དཔེར་ན་རྒྱ་མཚོ་ལྟ་བུ་ཡི།། འདུས་པ་ལེའུ་བརྒྱད་ལྡན་པས།། མཁའ་ལ་ཉི་ཤར་འོད་ཟེར་ལྔ།། བསྡུས་རྒྱས་ལྔ་རུ་བཤད་པར་བྱ།། དབུས་ན་ནམ་མཁའི་བཞི་ཡི
21b2 མཐོངས།། བདུད་རྩི་ལྟ་བུ་བཞི་དང་སྦྱོར།། གཏིང་ན་ཟབ་མོ་བཅུ་གསུམ་གཏེར།། རྨད་བྱུང་བདེ་འཇམ་ནམ་མཁའ་ཉིད།། རྗེ་བརྩན་རྩེ་མོ་ཀུན་འདུས་ལ།། སྲོག་དང་མྱུ་གུ་རིན་པོ་ཆེ།། སྤྱི་བཅིངས་འཕྲ་བཀོད་སེམས
21b3 ཀྱི་ཏིག་ཁམས་གསུམ་སྒྲོན་མ་སེམས་ཀྱི་གཏེར།། ཤིན་ཏུ་རྒྱས་པར་བཤད་པ་ནི།། རྒྱུད་ཀུན་རང་རང་ནང་དུ་བཤད།། འདིར་ནི་བསྡུས་ཏེ་བཤད་པ་ལ།། ཡེ་ཤེས་གསང་བ་བཤད་པའི་རྒྱུད།། དེ་ཕྱིར་དོན་འབྲེལ
21b4 གསལ་བྱེད་པས།། རྒྱུད་ཀྱི་ཕྱི་མ་ཡིན་པར་བཤད།། ཅེས་གསུངས་སོ།། གསལ་བ་མཐའ་དང་མཉམ་པ་ལས། བསྡུས་ཏེ་བཤད་པའི་ལེའུ་སྟེ་བཞི་པའོ།། །། དེ་ནས་སེམས་ལྷག་ལྷ་ཡི་བུས།། གསང་བའི་བདག
21b5 པོ་བཅོམ་ལྡན་འདས།། གསང་སྔགས་གཙོ་ལ་འདི་སྐད་ཞུས།། དེ་གང་གསང་བ་བཤད་དུ་གསོལ།། ཞེས་ཞུས་པ་དང་། བཅོམ་ལྡན་འདས་ཀྱིས་བཀའ་སྩལ་པ།། སྟོན་པ་གསུམ་དང་རིམ་པ་བརྒྱད།། ཕྱིན་ཅི་ལོག
21b6 གསུམ་འགྲོ་དྲུག་ལ།། ཡེ་ཤེས་གསང་བ་ཉིད་དུ་བསྟན།། ཞེས་གསུངས་པ་དང་།། ཡང་ནི་ལྷ་ཡི་བུ་ཡིས་ཞུས།། བསྟན་པ་གསུམ་པོ་གང་ལ་བགྱི།། རིམ་པ་བརྒྱད་ལ་ཇི་ལྟར་གསང་།། ཕྱིན་ཅི་ལོག་གསུམ་ཅི་རུ
iiif viewer powered by OpenSeadragon
