| e-texts navigator |
| Wylie |
217b1 འབེབས།། སྟོན་པ་ཀུན་བཟང་རང་བཞིན་ནི།། ཕྱི་ནང་སྣོད་བཅུད་ཀུན་ལ་ཁྱབ།། སེམས་དབྱིངས་བྱང་ཆུབ་སེམས་ཀྱི་ངང་།། འབྲས་བུ་ཉིད་ཀྱི་འབྲས་བུར་གསལ།། སེམས་ཀྱི་རང་བཞིན་བསྟན་པ་ནི།། མི་གནས
217b2 བསམ་པའི་ཡུལ་ལས་འདས།། དམིགས་དང་མི་དམིགས་ཡུལ་དང་བྲལ།། མཚན་མེད་སྐྱེ་འཇིག་ཀུན་དང་བྲལ།། ཀུན་ལ་ཉ་མོ་འཁོར་ལོ་ལ།། འཕོ་འགྱུར་མེད་པའི་རང་བཞིན་གནས།། སེམས་ཀྱིས་སེམས་བཙལ
217b3 སེམས་མི་རྙེད།། སེམས་བསྐྱེད་སངས་རྒྱས་རྫོགས་པའི་ལུང་།། རང་སེམས་སྙིང་པོ་སྐྱེ་བ་མེད།། གདོད་ནས་སྙིང་པོ་བྱང་ཆུབ་ལ།། མི་བཙལ་རང་བཞིན་ཀུན་ཏུ་གནས།། ཞེས་གསུངས་སོ།། ཉ་མོ་འཁོར་ལོའི་རྒྱུད
217b4 ལས། སེམས་རང་བཞིན་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་བྱང་ཆུབ་སེམས་དཔའ་རྡོ་རྗེ་སྙིང་པོས་འདི་སྐད་ཅེས་གསོལ་ཏོ།། སྤྱད་མེད་གསང་བའི་རིག་པ་ལ།། སྤྱོད་པ་བསམ་གྱིས་མི་ཁྱབ
217b5 ན།། གང་ལྟར་སྤྱད་པ་བདེ་བའི་ཐབས།། བདག་ཅག་རྣམས་ལ་བསྟན་དུ་གསོལ།། ཞེས་ཞུས་སོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས་སྤྱད་མེད་རིག་པའི་དོན་བཀའ་སྩལ་པ། བྱང་ཆུབ་སེམས
217b6 ཀྱི་རང་བཞིན་ནི།། སུས་ཀྱང་ཤེས་པར་མི་རུང་སྟེ།། ཡེ་ཤེས་འཁོར་ལོ་གསང་བའི་ངང་།། ཟབ་ཅིང་ཐིག་ལེ་ཡོངས་ཀྱི་ཟླུམ།། གང་ཡང་མཚོན་དུ་མེད་པས་ན།། ཀུན་བཟངས་རྒྱལ་བར་རྟགས་དང་བྲལ།། ཤེས་དང
iiif viewer powered by OpenSeadragon
