| e-texts navigator |
| Wylie |
211b1 མཁའི་བྱ་ལམ་གནས།། འཁོར་བ་ཡེ་ཉིད་རྡོ་རྗེར་གཅིག། གཟུགས་མེད་གཟུགས་ཏེ་གཟུགས་ཀྱི་མཆོག། བཅོམ་ལྡན་སངས་རྒྱས་ལྷུན་གྲུབ་སྐུ།། ནམ་མཁའི་མཐའ་ལྟར་ཁྱབ་བདལ་བས།། སྐུ་གསུམ་དབྱེ་བ་ཀུན
211b2 དང་བྲལ།། མི་དགོས་མི་བསྟན་བྱས་ཟིན་པས།། རིག་པ་གསལ་བའི་འོད་ལ་ཐུག། སེམས་ལས་བྱུང་བའི་མཚན་ཉིད་ཀྱང་། ཡན་ལག་འབུམ་ཕྲག་བསམ་མི་ཁྱབ།། ཏིང་འཛིན་བསམ་མེད་འཁོར་ལོ་གསལ།། ཅིར
211b3 སྣང་རིག་པའི་ཁྱད་པར་ལས།། ཆེ་ཆུང་རྣམ་པ་ཡོངས་ཀྱིས་མེད།། ཀུན་ཀྱང་དེ་དག་ཉིད་དུ་གནས།། རྒྱ་མཚོ་གཏིང་གི་ཉ་མོ་ལྟར།། བག་ཚའི་རྣམ་པ་ཞི་བའི་སྐུ།། རང་བྱུང་རིག་པའི་འཁོར་ལོ་གསལ།། ཅིར་སྣང
211b4 རིག་པའི་ཁྱད་པར་ལས།། ཆེ་ཆུང་རྣམ་པ་ཡོངས་ཀྱི་མེད།། ཀུན་ཀྱང་དེ་དག་ཉིད་དུ་གནས།། རྒྱ་མཚོ་གཏིང་གི་ཉ་མོ་ལྟར།། བག་ཆའི་རྣམ་པ་ཞི་བའི་སྐུ།། རང་བྱུང་རིག་པའི་འཁོར་ལོ་ལྟར།། བསྐོར་བྲལ་རིག་པའི
211b5 དབྱིངས་ལ་ཐུག། བརྗོད་མེད་རང་བྱུང་དོན་ཡིན་ཡང་།། བརྗོད་བྲལ་རིག་པ་བརྗོད་པ་ཡིས།། ཚིག་ཏུ་མ་ཡིན་དོན་ལ་སྦྱོར།། འབྱོར་པས་ཞི་བ་མ་ཉམས་བདེ།། དེ་ཉིད་དོན་ལ་དེ་ཡིས་མཚོན།། གཉིས་མེད་རིག་པའི
211b6 དོན་དུ་མཉམ།། ཉ་མོ་འཁོར་ལོའི་རྒྱུད་ལས། གླིང་གཞི་བསྟན་པའི་ལེའུ་སྟེ་དང་པོའོ།། །། དེ་ནས་བཅོམ་ལྡན་འདས་ལ། རྡོ་རྗེ་སྙིང་པོས་འདི་སྐད་ཅེས་གསོལ་ཏོ།། རྫོགས་ཆེན་སེམས་ཀྱི་རང་བཞིན་ལ།། ཆོས
iiif viewer powered by OpenSeadragon
