| e-texts navigator |
| Wylie |
20b1 གསུམ།། དུས་གསུམ་གཅིག་སྟེ་ཁྱད་པར་མེད།། བློ་རྟོག་ཆོས་ཉིད་གྲོལ་བའི་ཕྱིར།། དེ་ལྟར་གཏན་ཚིགས་བཞི་པོ་ལ།། གཏན་ཚིགས་རེ་ལ་གཏན་ཚིགས་གསུམ།། ངང་དང་རང་བཞིན་བདག་ཉིད་དེས།། གཏན
20b2 ཚིགས་གསུམ་གྱིས་གཏན་ལ་དབབ།། མ་བྱས་མ་བཅོས་ལྷུན་གྱི་གྲུབ།། ཅེས་བཀའ་སྩལ་ཏོ།། གསལ་བ་མཐའ་དང་མཉམ་པ་ལས།། བདུད་རྩི་ཚིག་གསུམ་གྱི་ལེའུ་སྟེ་གསུམ་པའོ།། །། དེ་ནས་སེམས་དག་ལྷ
20b3 ཡི་བུས།། བཅོམ་ལྡན་འདས་ལ་འདི་སྐད་གསོལ།། མཉམ་ཉིད་རྒྱ་མཚོ་ལྟ་བུ་རུ།། ལེ་ཙེ་བཅུ་གསུམ་རྡོ་རྗེ་རྩེ།། ཟབ་མོ་བཅུ་གསུམ་རྨད་དུ་བྱུང་།། ལྔ་ཚོམས་ལྔ་ལ་བསྡུས་རྒྱས་ལྔ།། འགྲོ་དྲུག་འཁོར་བའི་གཡང་ས
20b4 བཅད།། བཞི་སྐོར་བཞི་ལ་གཏན་ཚིགས་བཞི།། བདུད་རྩི་ལྟ་བུ་བཞི་དང་སྦྱར།། ཞེས་པ་དང་། བདུད་རྩི་དྲི་མེད་བརྒྱད་ལྡན་མཚོ།། མཁའ་ལ་ཉི་ཤར་འོད་ཟེར་ལྔ།། དབུས་ན་ནམ་མཁའ་གཞི་ཡི་མཐོངས།། གཏིང
20b5 ན་རིན་ཆེན་བཅུ་གསུམ་གཏེར།། དེ་ཚིགས་བདག་ལ་བཤད་དུ་གསོལ།། ཞེས་ཞུས་པ་དང་།། བཅོམ་ལྡན་འདས་ཀྱིས་བཀའ་སྩལ་པ།། དཔེར་ན་སུམ་ཅུ་རྩ་གསུམ་མ།། རྡོ་རྗེ་གདན་གྱི་ས་རིས་བཞིན།། མཉམ་པའི
20b6 ས་ལ་གྲུ་བཞིར་བྲི།། ཐིག་བཞི་བཏབ་པས་ལེ་ཙེ་དགུ།། བློ་བུར་བཞི་ཡིས་འབྱེད་པ་ཡི།། ལེ་ཙེ་བཅུ་གསུམ་གྲི་བར་བྱ།། ཕྱོགས་བཞིར་རྡོ་རྗེ་རྩེ་གསུམ་པ།། འགྱུར་བ་མེད་པའི་བརྡ་ཡིན་ནོ།། ཟབ་མོ་བཅུ་གསུམ་རྨད
iiif viewer powered by OpenSeadragon
