| e-texts navigator |
| Wylie |
20a1 པས་མཁོར་བར་བཤད།། རྟོགས་ན་རྫོགས་སངས་རྒྱས་སུ་ངེས།། དེ་རྟོགས་སངས་རྒྱས་ཡིན་པར་བཤད།། འདི་དེས་ཀུན་གཞི་རྩ་བཅད་དེ།། འདི་ནི་ཤེས་བྱ་དྲས་ཟག་གཅད། ཁྱུང་ཆེན་ནམ་འཕངས
20a2 གཅོད་པ་བཞིན།། ལྟ་བས་ཕྱི་རྒྱ་རླབས་ཀྱིས་བཅད།། རིག་པ་ལས་སུ་རུང་བ་ཡིས།། ཏིང་ངེ་འཛིན་ལ་འབྱུང་འཇུག་མེད།། ཐམས་ཅད་དེ་བཞིན་ཉིད་ཤེས་པས།། གཉིས་མེད་རྫོང་ནས་ཡངས་པའི་རྒྱ།། བརྡལ་ཁྱབ
20a3 ཆེན་པོའི་ས་ནོན་པས།། ཀུན་ཏུ་བཟང་པོ་བདེ་ཆེན་ས།། ཐ་མར་རིག་པ་གྲོལ་བ་ནི།། ལྷ་ཡི་བུ་ཁྱོད་འདི་ལྟ་སྟེ།། སྣང་བ་སེམས་སུ་གྲོལ་བ་ནི།། ཐམས་ཅད་རང་རིག་བྱང་ཆུབ་སེམས།། སེམས་དེ་སྟོང་པར་གྲོལ་བ
20a4 ནི།། ནམ་མཁའ་བཞིན་དུ་སྤྲོས་དང་བྲལ།། སྟོང་པ་གཉིས་མེད་གྲོལ་པ་ནི།། སྣ་ཚོགས་རང་བཞིན་མི་གཉིས་ཆེ།། དེ་ལ་མཚོན་དུ་མེད་པ་ནི།། ཐིག་ལེར་རྫོགས་པས་མཚོན་དུ་མེད།། རྒྱུད་ཀུན་གཅིག་གིས་གཅིག
20a5 བཤད་པ།། གོང་འོག་སྡེབས་ཏེ་འདི་ལྟར་བཤད།། སྐྱེ་མེད་ལྟ་བ་སྟོང་པ་གསུམ།། དུས་གསུམ་གཅིག་སྟེ་ཁྱད་པར་མེད།། རང་བཞིན་རྣམ་པར་དག་པའི་ཕྱིར།། ཀུན་ཁྱབ་སྒོམ་པ་གཉིས་མེད་གསུམ།། དུས་གསུམ
20a6 གཅིག་སྟེ་ཁྱད་པར་མེད།། མཚན་ཉིད་གཉིས་སུ་མེད་པའི་ཕྱིར།། འཁྲུལ་སྤྱོད་བྱང་ཆུབ་སེམས་དང་གསུམ།། དུས་གསུམ་གཅིག་སྟེ་ཁྱད་པར་མེད།། རོལ་བ་འགག་པ་མེད་པའི་ཕྱིར།། བློ་རྟོག་འབྲས་བུ་ཐིག་ལེ
iiif viewer powered by OpenSeadragon
