| e-texts navigator |
| Wylie |
200a1 མ་མཐོང་།། མཐོང་མེད་གསལ་བའི་མེ་ལོང་ཉིད།། དངོས་པོ་མེད་པའི་རིག་པ་ཉིད།། འདྲ་འམ་མི་འདྲའི་རྒྱུ་གང་ཉིད། བདག་གམ་གཞན་ནམ་དེ་ཉིད་གང་།། གྲུབ་བམ་མ་གྲུབ་ཇི་ལྟར་བསྐྱེད།། དེ
200a2 ལྟར་གྲུབ་ན་ཐུག་པ་མེད།། དེ་ལྟར་མེད་ན་གང་ཞིག་ནི།། གཉིས་པོ་དེ་བཞིན་རི་བོང་རྭ།། གང་གཞན་རྒྱུ་ལས་གྲུབ་པས་ན།། གཅིག་གམ་དུ་མ་གང་དུ་གྲུབ།། འཇིག་རྟེན་རྒྱུ་འབྲས་ཆོས་བཞིན་ན།། ཡང་དག་ཡེ་ཤེས
200a3 བརྫུན་ནམ་ཅི།། དེ་ལྟར་བདག་ལྟ་ལོག་པ་བཞིན།། སྤང་བྱ་ཉིད་འགྱུར་ཡང་དག་མིན།། མི་མཐུན་གནས་པའི་ཆོས་ཡིན་པས།། ལྟ་བ་ཉིད་འགྱུར་དེ་ཉིད་རིག། དེ་ལྟར་མིན་ན་གང་ཞིག་འཐད།། བསྐྱེད་པའི་རིམ་པ
200a4 གང་གནས་ནས།། རྫོགས་པའི་ལམ་ལ་གང་འཇུག་པ།། གང་གིས་གང་ལ་གང་ཞིག་གནས།། རྩོལ་བས་བསྐྱེད་པ་དེ་ཉིད་དམ།། ཡེ་ཤེས་རིག་པའི་དོན་ལ་འཇུག། དེ་ཉིད་ཡིན་ན་དེ་ལྟ་མོད།། དེ་ལྟར་མིན་ན་གང
200a5 ཞིག་འཐད།། ཐམས་ཅད་ཐམས་ཅད་གྲུབ་པའམ།། མ་ཡིན་དེ་ལ་འཐད་པ་གང་།། རྗེས་མཐུན་རྒྱུའི་ས་མི་གནས་ན།། དེ་བཞིན་རྗེས་མཐུན་ཉིད་དུ་འགྱུར།། དེས་ན་སེང་གེ་ཕྲུག་གུ་བཞིན།། སྐུ་གསུམ་ལྷུན་གྲུབ་བདེ
200a6 བའི་ལམ།། རྩོལ་བའི་འབྲས་བུ་མཐར་ཕྱུང་ནས།། འཇིག་རྟེན་ཆོས་ལ་དེ་བཞིན་ནོ།། སྤང་བྱའི་འབྲས་བུ་ཡིན་པས་ན། ཁྱོད་ལ་དག་པའི་ཡེ་ཤེས་གང་།། དེ་ལྟར་ཉིད་ན་རྟག་པར་འགྱུར།། དེས་ན་རང་བྱུང་རྫོགས
iiif viewer powered by OpenSeadragon
