| e-texts navigator |
| Wylie |
19a1 @སྦྲུལ་རྒྱལ་སྲས་ཐུགས་ཀྱི་བུ།། ཨུ་རྒྱན་ཐོར་ཅོག་ཅན་གྱི་བུ།། རྩེ་དྲུག་རིན་ཆེན་རྐང་དེ་རུ།། རྒྱལ་པོ་དྷ་ར་མ་ཨ་ཤོ་ཡི།། བུ་མོ་བདེ་གཤེགས་བྱང་ཆུབ་མས།། དྷ་ན་ཀོ་ཤ་ལི་ཕུག་ཏུ།། བྲག་ཕུག་གསེར
19a2 གྱི་ཡུ་བ་ཅན།། ད་ཧེ་ནའི་འདུ་ཁང་དུ།། ཇོ་མོ་དང་གཡོག་མོར་བཅས་ནས་ཕྱིན།། ཚེ་གཅིག་སངས་རྒྱས་བསྒྲུབས་པ་དང་།། ཕ་མེད་སྲས་གཅིག་སྐུ་བལྟམས་ཏེ།། སྐྱེས་མ་ཐག་ཏུ་ཆོས་ཤེས་ཏེ།། སྤྲུལ་པའི་སྐུ་རུ་ཨེ་མ
19a3 ཧོ།། དཔོན་གཡོག་ཐམས་ཅད་དགའ་བ་ཡིས།། དགའ་རབ་རྡོ་རྗེར་མཚན་གསོལ་ལོ།། འཛམ་གླིང་འཇིང་དང་རྒྱལ་འཐེབ་བྱ།། རྒྱལ་སྲས་གསང་བའི་སྣོད་ལྡན་ལ།། རྣ་བརྒྱུད་ལུང་གིས་གཏེར་ཆེན་བཀྲོལ།། བརྡ
19a4 དོན་སྤྲོད་པའི་གདམས་ངག་བཏབ།། རྒྱལ་ཐབས་སྤྱི་བླུགས་དབང་བསྐུར་ཏེ།། སྣོད་ལྡན་སངས་རྒྱས་ས་ལ་བཀོད།། ཅེས་གསུངས་སོ།། གསལ་བ་མཐའ་དང་མཉམ་པ་ལས། གླེང་གཞིའི་ལེའུ་སྟེ་དང
19a5 པོའོ།། །། དེ་ནས་སེམས་དག་ལྷ་ཡི་བུས།། བཅོམ་ལྡན་འདས་ལ་འདི་སྐད་གསོལ།། ཨེ་མ་གསང་བདག་རྡོ་རྗེ་འཛིན།། ཀུན་གཞི་ཉི་མའི་སྙིང་པོ་ལ།། འཁྲུལ་པའི་དྲི་མ་ཡོད་དམ་མེད།། ནམ་མཁའ་ལྟ་བུའི
19a6 ལམ་དེ་ལ།། ཟག་བཅས་བདེ་བ་འཆར་མི་འཆར།། འབྲས་བུ་རིན་ཆེན་ལྟ་བུ་ལ།། ཐུགས་རྗེ་འབྱུང་ངམ་མི་འབྱུང་ལགས།། འདུས་པ་རྒྱ་མཚོ་ལྟ་བུ་ལ།། རྙོག་མ་བདོག་གམ་མི་བདོག་ལགས།། ཞེས་ཞུས་པ་དང་།།
iiif viewer powered by OpenSeadragon
