| e-texts navigator |
| Wylie |
199a1 གནས།། སྣང་བ་རྒྱ་མཚོ་ཆེན་པོ་བཞིན།། རང་བཞག་རིག་པ་དེ་བཞིན་ནོ།། ཡོན་ཏན་སྣ་ཚོགས་ནམ་མཁའ་བཞིན།། དུས་གསུམ་འགྱུར་མེད་ཀུན་ཏུ་བཟང་།། སངས་རྒྱས་སེམས་ཅན་གཉིས་སུ
199a2 མེད།། འཁོར་བ་ཉིད་ན་རང་བཞིན་དག། རིན་ཆེན་དག་པ་ཇི་བཞིན་ནོ།། ཇི་ལྟར་བཅོས་ཀྱང་འགྱུར་བ་མེད།། རང་བཞིན་ཆོས་ཉིད་ངོ་བོ་ལ།། སྒྲོ་སྐུར་འདེབས་པ་ངེད་ཀྱིས་མེད།། འཛིན་པའི་སྤྱོད་པས་ལོག་པར
199a3 བསླད།། རང་བྱུང་ཀུན་མཁྱེན་རིག་པའི་ཐུགས།། འགྱུར་མེད་འགྲོ་བ་ཀུན་ལ་གནས།། མཁའ་འདྲ་ཡེ་ཤེས་ལྷུན་གྱི་གྲུབ།། གྲུབ་མེད་ཆོས་སྐུ་ཆེན་པོ་ལ།། བསྲུང་མེད་དམ་ཚིག་རང་གཞག་ན།། མཐའ་མེད་དབུས
199a4 མེད་རིག་པར་གསལ།། རྒྱལ་བ་ཀུན་གྱི་ངོ་བོ་ལ།། སེམས་ཅན་ཀུན་གྱི་རང་བཞིན་ཡིན།། ཡེ་ཤེས་རིག་པ་རྟོགས་གྱུར་ནས།། ཐུགས་རྗེ་མཛད་པའི་ལམ་ཡང་སྟོན།། སེམས་ཀྱི་འབྲས་བུ་རང་བཞག་སྟེ།། འདོད་པའི
199a5 རྩོལ་བས་གྲུབ་མི་བྱེད།། བྱང་ཆུབ་སེམས་ཀྱི་ལམ་ཆེན་ནི།། རྣམ་དག་ཡེ་ཤེས་དགོངས་པའི་ལམ།། ཐུན་མོངས་འགྲོ་བ་ཡོངས་ལ་གནས།། དུས་གསུམ་སངས་རྒྱས་སེམས་ལས་བྱུང་།། བགྲོད་མེད་རང་རིག་ཡེ་ཤེས
199a6 ལམ།། རང་འདོད་བལྟས་པས་གྲུབ་པ་མེད།། རྫོགས་པའི་ལམ་ལ་གང་གནས་པ།། བསམ་གྱིས་མི་ཁྱབ་རང་གཞག་པ།། ཡིད་ལ་མི་བྱེད་ཡེངས་པ་མེད།། རྣལ་འབྱོར་རྫོགས་པ་བཅོས་མེད་ལ།། འདོད་རྩོལ་ཐིག་ལེ
iiif viewer powered by OpenSeadragon
