| e-texts navigator |
| Wylie |
198b1 དང་པོའི་དུས་ནའོ།། རིན་ཆེན་གསུམ་གྱི་བརྟག་པ་ལས།། ཐབས་ཀྱི་བྱེ་བྲག་ཤེས་གྱུར་ན།། ཐོག་མའི་ཡེ་ཤེས་ཇི་བཞིན་ནོ།། དཀྱིལ་འཁོར་ལྔ་ཡི་ཡེ་ཤེས་འཕྲོ།། དེ་ལྡན་རྒྱལ་བའི་གྲལ་དུ་གནས།། ཐུགས་རྗེ་ཀུན
198b2 ལྡན་རྙོག་མ་མེད།། དངོས་པོ་དུས་གསུམ་འགྱུར་བ་མེད།། གསང་བའི་ཡེ་ཤེས་སྒོམ་དུ་མེད།། སྤྱད་པ་བྲལ་བའི་དུས་ན་ཤེས།། གཏང་བཞག་རང་བཞིན་བྱ་བ་བྲལ།། འཁོར་བའི་རྣམ་པར་མི་སེམས་ཏེ།། མྱ་ངན
198b3 འདས་པའི་རྒྱུ་བ་བྲལ།། རྫོགས་པའི་དགོངས་པ་བྱ་བ་མེད།། དུས་གསུམ་མ་ཡེངས་སྲོག་ཏུ་སེམས།། བླང་དོར་མི་མངའ་ལྟ་བ་མེད།། རང་བཞིན་ལྟ་བའི་རྒྱལ་པོ་ཡིན།། མི་རྩོལ་གྲངས་མེད་དྲང་པོའི་ལམ།། གང
198b4 གིས་མ་བཅོས་ལུགས་ཀྱི་ལམ།། སྙིང་པོ་ཡེ་ཤེས་རིན་ཆེན་འོད།། འོད་གསལ་རིག་པའི་དཀྱིལ་འཁོར་ལྔ།། ཆགས་པ་ལ་སོགས་ཉོན་མོངས་ལྔ།། མཐར་ཐུག་མཐའ་མའི་དུས་ན་མཐོང་།། གང་སྐྱེས་དུས་ན་ཡུལ
198b5 མི་སྤྱད།། མི་འགག་ངོ་བོ་ཉིད་ལ་བཞག། རིན་ཆེན་གསང་བའི་ཆོས་ཀྱི་སྐུ།། མ་བཅོས་རང་བཞིན་གཟུང་འཛིན་བྲལ།། རྫོགས་པ་ལོངས་སྤྱོད་ངོ་བོའི་སྒྲ།། སྦྲུལ་སྐུ་གང་ལ་ངོས་གཟུང་མེད།། དབྱེར་མེད་རིག་པ
198b6 གཅིག་ལ་གནས།། འཛིན་དང་བྲལ་བའི་མངོན་སུམ་པ།། ཆགས་དང་བྲལ་བའི་བདེ་བ་ཆེ།། ཐ་སྙད་བྲལ་བའི་ཐབས་ཀྱིས་མཚོན།། རྩོལ་དང་བྲལ་པའི་སྤྱོད་པས་བླང་།། སྤྲོ་བསྡུ་མེད་པའི་དགོངས་པར
iiif viewer powered by OpenSeadragon
