| e-texts navigator |
| Wylie |
198a1 བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་སེམས་ལྷག་ཅན་གྱིས།། མངོན་རྫོགས་རྒྱལ་པོ་ལ་འདི་སྐད་ཅེས་གསོལ་ཏོ།། ཏིང་འཛིན་ཉམས་སུ་མ་བླངས་པའི།། མ་བསྒོམས་ཡེ་ཤེས
198a2 འཆར་བའི་དོན།། འདུས་པའི་འཁོར་ལ་བསྟན་དུ་གསོལ།། ཅེས་གསོལ་པ་དང་།། མངོན་རྫོགས་རྒྱལ་པོས་སྒོམ་དུ་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས་འདི་སྐད་ཅེས་བཀའ་སྩལ་ཏོ།། སྒོམ་མེད་དོན
198a3 ལ་བྱ་བ་བྲལ།། སྒོམ་དུ་མེད་པའི་སྙིང་པོ་འདི།། རང་བཞག་སེམས་ཀྱི་རིགས་པས་ཤེས།། རྡོ་རྗེ་བཀའ་ནི་རྟོགས་པའི་ལམ།། བྱེད་པ་བྲལ་ལ་གཉེར་བའི་སེམས།། ཚུལ་བཟངས་རྩོལ་ལ་གང་གནས་པ།། བྱེད་པའི
198a4 དོན་དང་ཕྲད་གྱུར་ནས།། བྱ་བའི་རང་བཞིན་ཤེས་པར་བྱ།། རྒྱལ་བའི་དགོངས་པ་རིགས་པ་ཉིད།། གསུམ་དབྱེ་བྱེད་པའི་འོད་ཀྱིས་མཐོང་།། གསུམ་གྱི་འོད་གསལ་བཞི་ཡི་ལམ།། བྱེད་དང་བྲལ་བ་ཉིད་ལ
198a5 གནས།། ལམ་གྱི་ལམ་གྱི་འབྲས་བུ་མཐོང་།། འབྲས་བུའི་དགོངས་པ་རྒྱལ་བའི་ཐུགས།། བསམ་མེད་རང་གཞག་རིག་པའི་ངང་།། བདེ་ཆེན་མི་རྟོག་རྒྱུ་བ་བྲལ།། ཡིད་ལ་མི་བྱེད་སྣང་བ་དག། རིག་པ་མ་འགགས་ཡེ
198a6 ཤེས་གསལ།། འགྲོ་བ་ཀུན་ལ་རང་བཞིན་གནས།། སྦྲུལ་སྐུ་དང་པོ་གཞན་ལས་མིན།། ཀུན་བཟང་རྒྱལ་བའི་དགོངས་པ་ཉིད།། ཡེ་ཤེས་ངོ་བོས་བཟུང་བྱས་ལ།། དྲན་པའི་ཚུལ་གྱིས་ཉམས་སུ་བླངས།། འཕེན་པ
iiif viewer powered by OpenSeadragon
