| e-texts navigator |
| Wylie |
197a1 བཞིན་གནས།། རིག་པའི་ཟེར་གྱིས་འདའ་བ་མེད།། ཅེས་གསུངས་སོ།། ཡེ་ཤེས་རིན་པོ་ཆེའི་འོད་ལས། གླེང་གཞི་ཕུན་སུམ་ཚོགས་པའི་ལེའུ་སྟེ་དང་པོའོ།། །། དེ་ནས་ཡང་སེམས་ལྷག་ཅན
197a2 གྱིས།། མངོན་རྫོགས་རྒྱལ་པོ་ལ་གསོལ་པ། སེམས་ཀྱི་གཞི་ནི་གང་། འཁོར་འདས་ཀྱི་ཆོས་ཀྱི་བྱེད་པ་པོ་ནི་གང་གིས་བྱས་པ་ཡིན།། གང་ནས་བྱུང་། མངོན་རྫོགས་རང་ལ་བྱེད་པའི་མཁན་པོ་ཡོད་དམ་མེད་བྱས་ན
197a3 ཇི་ལྟར་གནས། ཞེས་གསོལ་པ་དང་།། མངོན་རྫོགས་རྒྱལ་པོས་ཆོས་ཐམས་ཅད་གཏན་ལ་འབེབས་པའི་ཏིང་ངེ་འཛིན་ལ་བཞུགས་ནས་འདི་སྐད་ཅེས་བཀའ་སྩལ་ཏོ།། ཐམས་ཅད་ང་ཡིས་བྱས་པ་ཡིན།། ངའི་རང
197a4 བཞིན་སུས་ཀྱང་མ་བྱས།། ཐམས་ཅད་ང་ལས་བྱུང་བ་ཡིན།། ངའི་རང་བཞིན་སུ་ལས་ཀྱང་མ་བྱུང་།། ཐམས་ཅད་ང་ལས་ཤར་བ་སྟེ།། ངའི་རང་བཞིན་སུ་ལའང་མ་ཤར་རོ།། ཐམས་ཅད་ང་ལས་སྣང་བ་སྟེ།། ང་ལས
197a5 སུས་ཡང་སྣང་བ་མེད།། ཐམས་ཅད་ང་ཡིས་ཕྱེ་བ་སྟེ།། ང་ནི་སུས་ཀྱང་ཕྱེ་བ་མིན།། ཐམས་ཅད་ང་ཡིས་བསྡུས་པ་སྟེ།། ང་ནི་སུས་ཀྱང་བསྡུས་པ་མིན།། ཐམས་ཅད་ང་ཡིས་བརྟགས་པ་སྟེ།། ང་ནི་སུས་ཀྱང་བརྟགས་པ
197a6 ཡིན།། ཐམས་ཅད་ང་ཡིས་རྟོགས་པ་སྟེ།། ང་ནི་སུས་ཀྱང་རྟོགས་པ་མེད།། ཐམས་ཅད་ང་ཡིས་སྒོམས་པ་སྟེ།། ང་ནི་སུས་ཀྱང་མ་སྒོམས་པའོ།། ཐམས་ཅད་ང་ཡིས་མཐོང་བ་སྟེ།། ང་ནི་སུས་ཀྱང་མ་མཐོང
iiif viewer powered by OpenSeadragon
