| e-texts navigator |
| Wylie |
196b1 ཤར།། རིན་ཆེན་སྣང་བ་རང་འབར་འདི།། འགྲོ་བའི་བླ་མ་འདས་གྱུར་ཡང་།། འགྲོ་བ་མོས་པ་ལ་གནས་ནས།། མོས་པའི་རྣལ་འབྱོར་ཡང་རབ་ལ།། སྙིང་པོ་སྒོམ་དུ་མེད་པར་བཤད།། གཏིང་ལྟར་མི་གསལ་རིན་པོ
196b2 ཆེ།། སྐལ་ལྡན་རྣལ་འབྱོར་མོས་འཇུག་གིས།། རྟོག་མེད་མཐོང་བའི་ལམ་རྟོགས་དང་།། བགྲོད་མེད་འབྲས་བུ་རང་སྣང་ཡིན།། སྣང་བ་གསུམ་གྱི་དཀྱིལ་འཁོར་ལས།། བདེ་གཤེགས་གསུམ་གྱི་སྐུ་ལྡན་པས།། རྣམ
196b3 གྲོལ་འབྲས་བུ་རང་བཞག་ཡིན།། གཞི་ནས་མ་གཡོས་རང་བཞིན་གྲུབ།། བསམ་མེད་རང་གཞག་མེད་པའི་ངང་།། བདེ་ཆེན་མི་རྟོག་རྒྱུ་བ་བྲལ།། ཡིད་ལ་མི་བྱེད་སྣང་བ་དག། རིག་པ་མ་འགགས་ཡེ་ཤེས
196b4 གསལ།། དབང་པོ་རང་སྣང་རྒྱལ་བའི་སེམས།། འགྲོ་བ་ཀུན་ལ་རང་བཞིན་གནས།། མཐོང་བ་ལོག་པ་གཞན་ཡོད་ཀྱང་།། སངས་རྒྱས་དང་པོ་གཞན་ལས་མིན།། ཆོས་ཉིད་སྐུ་ལ་འགྱུར་བ་མེད།། རང་རིག་བདེ་བ
196b5 ཆེན་པོའི་ངང་།། རྒྱུ་ལ་མི་གནས་མཐར་ཐུག་པ།། ཐེག་ཆེན་རྫོགས་པའི་འབྲས་བུ་ཡིན།། རིན་ཆེན་གསུང་གིས་ཤེས་འགྱུར་ཏེ།། བསམ་མེད་བརྗོད་བྱའི་སྙིང་པོའི་དོན།། ཀུན་གྱི་བརྗོད་བྱའི་སེམས་ཀྱི
196b6 དབྱིངས།། རང་རང་མོས་པའི་སེམས་ཀྱིས་རྟོགས།། ལམ་གྱི་རྩོལ་བས་འབྲས་བུ་འཚོལ།། རང་རང་མོས་པའི་ས་ལ་གནས།། སྨོན་པའི་འདོད་པ་རེ་བ་ཞིག། སྙིང་པོའི་ལམ་ལ་འདོད་པས་བྲལ།། ཡིད་ལ་མི་བྱེད་རང
iiif viewer powered by OpenSeadragon
