| e-texts navigator |
| Wylie |
196a1 ནི།། འབྲས་བུ་ཕུན་སུམ་ཚོགས་པར་བཤད།། ཡེ་ཤེས་གང་དུ་རྒྱ་མ་ཆད།། ཐམས་ཅད་འབྱུང་བའི་གཞིར་གྱུར་པ།། གཞི་ནི་ཕུན་སུམ་ཚོགས་པར་བཤད།། ཐམས་ཅད་ཀུན་དུ་མ་བསྒྲིབས་ཤིང་།། ཡེ
196a2 ཤེས་རང་དུ་སྣང་བ་ནི།། ཡེ་ཤེས་ཕུན་སུམ་ཚོགས་པར་བཤད།། རྟོགས་པ་གཞན་གྱིས་གཡོག་ཏུ་མེད།། སྙིང་པོ་ཕུན་སུམ་ཚོགས་པར་བཤད།། རྟོགས་པ་གཞན་ལས་རག་ལས་མེད།། སྒོམ་མེད་ཕུན་སུམ་ཚོགས
196a3 པར་བཤད།། འདོད་པའི་དོན་འབྱུང་རིན་པོ་ཆེ།། ཡོན་ཏན་ཕུན་སུམ་ཚོགས་པར་བཤད།། འཁོར་བ་བརྡར་བཅད་ཡེ་ཤེས་ནི།། འཁོར་འདས་ཕུན་སུམ་ཚོགས་པར་བཤད།། སངས་རྒྱས་ཐུགས་ཀྱི་སྙིང་པོའི
196a4 བཅུད།། ཡེ་ཤེས་རང་བཞིན་རྟོགས་པར་གྱིས།། ཞེས་གསུངས་པ་དང་།། སེམས་ལྷག་ཅན་གྱིས་འདི་སྐད་ཅེས་གསོལ་ཏོ།། སྐུ་གསུང་རིག་པའི་བྱིན་བརླབས་ཏེ།། སྐལ་ལྡན་དོན་དུ་ཇི་ལྟར་འཆར།། ཞེས་གསོལ་པ
196a5 དང་། བཅོམ་ལྡན་འདས་མངོན་རྫོགས་རྒྱལ་པོས་བཀའ་སྩལ་བ། ཡིད་བཞིན་ནོར་བུའི་དགོས་འདོད་བཞིན།། ཐུགས་རྗེའི་བྱིན་རླབས་རིམ་རྒྱུད་པས།། སྟོན་པའི་གསུང་དང་བྱིན་བརླབས་ཀྱིས།། རང་སྣང་ཉི་མ་ལྟ
196a6 བུར་གསལ།། གསལ་བྱེད་རིན་ཆེན་སྣང་བ་འདི།། མཐའ་ཡས་སེམས་ཅན་ཐམས་ཅད་ལ།། མཉམ་པའི་ཚུལ་གྱིས་གནས་མོད་ཀྱང་།། སྐལ་ལྡན་སྣོད་ལྡན་རྣལ་འབྱོར་པ།། ཐུགས་རྗེའི་བྱིན་རླབས་ཤུགས་ཀྱི
iiif viewer powered by OpenSeadragon
