| e-texts navigator |
| Wylie |
191b1 བླུན་པོའི་འཁྲུལ་པ་གསལ་བ་ལྟར།། སྐད་ཅིག་མ་ལ་དོན་ཀུན་རྫོགས་པ་ཡིན།། ལྷུན་གྱིས་གྲུབ་པས་རང་ཉིད་དོན་བྱར་མེད།། གཅིག་ཏུ་གནས་པས་གཞན་དོན་བྱ་དང་བྲལ།། ཇི་བཞིན་བཞག་པས་ཡེངས་མེད་དང
191b2 དུ་སྣང་།། འཁྲུལ་དང་མ་འཁྲུལ་ཁྱད་པར་གྱིས།། ཟླ་སྦྲུལ་དུང་ལ་ཞེན་བཞིན་ནོ།། བྱ་བྲལ་རྫོགས་པའི་ཐིག་ལེ་ལ།། རང་གཞག་པ་ཡི་གཏན་ཚིགས་ཀྱིས།། རང་བྱུང་སེམས་ཉིད་རྫོགས་པའི་ལུང་།། དེ་མ་ཐག་པར
191b3 ཡོངས་སུ་ཤེས།། མ་བཅོས་ཀུན་འདུས་ཐུགས་ཀྱི་རྒྱུད།། གསང་བའི་ཞི་བ་ཟབ་མོའི་ལམ།། ཇི་བཞིན་མ་བཙལ་བཞག་པ་ཡིས།། རྒྱུ་བ་མ་ལུས་དུས་གཅིག་གཅད།། བྱིས་པ་མ་རབས་འདུ་ཤེས་ཀྱིས།། རྫོགས་པའི
191b4 ཀློང་ལ་ཅིར་ཤར་ཡང་།། ཡེ་ཤེས་རྟོགས་པའི་ཁྱད་པར་འཕགས།། ཡེ་ཤེས་སྲོག་གསུམ་འཁོར་ལོ་བསྐོར།། ཐིག་ལེ་ཆེན་པོ་གདོད་ནས་གནས།། ནམ་མཁའི་མཁའ་ལ་ལོངས་སྤྱོད་པས།། བདེ་དང་སྡུག་བསྔལ་བླང
191b5 དོར་མེད།། ཅེས་གསུངས་སོ།། ཀུན་འདུས་འོད་ཀྱི་ཏན་ཏྲ་ལས། སེམས་ཀྱི་རང་བཞིན་བསྟན་པའི་ལེའུ་སྟེ་དྲུག་པའོ།། །། དེ་ནས་དེ་བཞིན་གཤེགས་པ་ཀུན་ཏུ་བཟང་པོས།། འཁྲུལ་པ་ངོས་བཟུང་བ་ཞེས་བྱ་བ
191b6 འདི་གསུངས་སོ།། སངས་རྒྱས་སེམས་ཅན་གཉིས་མེད་ལ།། མ་རྟོགས་འཛིན་པའི་ཁྱད་པར་གྱིས།། གཅིག་ལ་རྐྱེན་དང་ཕྲད་པ་ཡིས།། ནུས་པའི་ཁྱད་པར་སོ་སོར་སྣང་།། རྨོངས་འཁྲུལ་རྐྱེན་གྱི་ཁྱད་པར་གྱིས།། སྣང
iiif viewer powered by OpenSeadragon
