| e-texts navigator |
| Wylie |
191a1 དབྱེར་མེད་པར་བསྟན་པའི་ལེའུ་སྟེ་ལྔ་པའོ།། །། དེ་ནས་དེ་བཞིན་གཤེགས་པ་ཀུན་ཏུ་བཟང་པོས། ཡེ་ཤེས་སྒྲོ་སྐུར་མེད་པའི་ཏིང་ངེ་འཛིན་ལ་སྙོམས་པར་ཞུགས་ནས།། འདི་སྐད་ཅེས་གསུངས
191a2 སོ།། རིག་པའི་རྒྱལ་པོ་བསྟན་པའི་བདག། བསྟན་པའི་ཐེག་པ་ཡོངས་ཀྱི་ཀློང་།། བསྟན་པའི་རྩ་བ་ཀློང་དགུའི་གཏེར།། གཅིག་ལ་རྫོགས་ཏེ་ཐ་དད་མེད།། སྙིང་པོའི་སྙིང་པོ་རྫོགས་པ་འདི། ཁྱད་པར་གནས་པ
191a3 བསྟན་པས་གསལ།། ཐེག་པའི་ཁྱད་པར་ཅི་བསྟན་པ།། འདུལ་ཐབས་དྲང་བའི་ཁྱད་པར་ཉིད།། ཀུན་ལ་མཐུན་པར་སྣང་མོད་ཀྱང་།། མདོ་དོན་ཡེ་ཤེས་རྫོགས་པ་གཅིག། སངས་རྒྱས་ཀུན་གྱི་གཏེར་གྱི་དབྱིག། རིན
191a4 ཆེན་ཕུང་པོ་ཕྱོགས་མེད་ཀློང་།། བཙལ་བསྒྲུབ་མེད་དེ་གདོད་ནས་རྫོགས།། ཡོན་ཏན་ཆེན་པོ་དཔག་མི་རིག། དུས་གསུམ་སངས་རྒྱས་ཡོན་ཏན་ཀུན།། སྙིང་པོ་གཅིག་ལ་རྫོགས་པར་བལྟ།། དེ་ནི་གསང་བའི་ཐབས
191a5 དག་གིས།། ཚིག་གི་དོན་གྱིས་མཚོན་པར་བྱ།། རྒྱུད་དང་ཁྱད་པར་མངོན་སུམ་མ་ལུས་པ།། ལྷུན་གྲུབ་རྟོགས་ལ་ཁྱད་པར་མེད་པར་གནས།། མ་རྟོགས་སྐལ་མེད་དོན་ལ་བཞུགས་པའི་ཕྱིར།། དེ་དག་བསྟན་པས་ཐ
191a6 མ་ཐོབ་པ་ཡིན།། རང་བྱུང་བརྡལ་བ་ཆེན་པོ་ཁྱབ་གནས་པ།། སྐལ་མེད་དམན་པས་རྟོགས་པར་ག་ལ་འགྱུར།། སྙིང་པོ་འོད་འབར་ཀུན་ལ་ཁྱབ་གནས་ཀྱང་།། དམིགས་པ་མེད་ལ་མི་སྣང་དེ་བཞིན་ནོ།། འོན་ཀྱང
iiif viewer powered by OpenSeadragon
