| e-texts navigator |
| Wylie |
190b1 གྱིས།། གཅིག་དོན་རྟོགས་པས་ཀུན་དོན་རྟོགས།། འཇིག་པའི་དུས་ཀྱི་མེ་བཞིན་དུ།། ཡེ་ཤེས་རྟོགས་པའི་ཁྱད་པར་ལ།། ཇི་ལྟར་སྣང་བའི་ཆོས་རྣམས་ཀུན།། ཡེ་ཤེས་སྟོངས་སུ་གྱུར་པ་ཡིན།། ཡེ་ཤེས་མ་གྱུར
190b2 མེད་པས་ན།། སྒྲིབ་པའི་ཁྱད་པར་གཅིག་མི་གནས།། གང་ཞིག་རྟོགས་པའི་སྟོབས་མེད་ན།། གང་ལྟར་སྤྱད་ཀྱང་བརྟགས་པ་ཀུན།། ལོང་བ་མིག་བྲལ་ལམ་ཞུགས་ལྟར།། གང་ལྟར་སྤྱད་པ་གཡང་སར
190b3 འགྱུར།། དངོས་འདི་གཅིག་ལས་མ་གཡོས་ཀྱང་།། ཕན་གནོད་ནུས་པའི་ཁྱད་པར་གྱིས།། སྨན་གྱི་རྒྱལ་པོ་ག་བུར་ལྟར།། བཅིངས་དང་གྲོལ་བར་སྣང་བ་ཡིན།། རྫོགས་ཆེན་ཐེག་པའི་སྙིང་པོ་འདི།། རང་བྱུང་ཐིག་ལེ
190b4 རྫོགས་པའི་ལུང་།། བསམ་གྱིས་མི་ཁྱབ་ཆོས་རྣམས་ཀུན།། བསམ་མེད་ཡོངས་སུ་རྫོགས་པར་བརྟག། རྣམ་པའི་ཁྱད་པར་གང་དག་ལས།། མ་བཙལ་དེ་དང་མཉམ་པར་སྐྱེ།། བཙལ་ནས་ཁྱད་པར་གང་དག
190b5 ཀུན།། བཅིངས་པའི་མདུད་པར་སྣང་བ་ཡིན།། མ་བཅོས་སེམས་ཉིད་རྫོགས་པའི་ལམ།། དེ་ཉིད་རྫོགས་ལ་གནས་པར་བྱ།། རྟེན་དང་བགྲོད་དང་རིམ་པར་འབྱུང་།། འཇིག་རྟེན་ལོག་པའི་ལས་ལ་བསླད།། བྱ་བྲལ
190b6 རྫོགས་པའི་ལམ་ལས་གྲོལ།། བསྐྱེད་པ་མཚན་མའི་ལམ་ལ་གནས།། འཇིག་རྟེན་རྩོལ་བའི་ལམ་པ་ཡིས།། རང་སེམས་རྫོགས་པ་མཐོང་མི་འགྱུར།། ཞེས་གསུངས་སོ།། ཀུན་འདུས་འོད་ཀྱི་ཏན་ཏྲ་ལས། རིག་པ
iiif viewer powered by OpenSeadragon
