| e-texts navigator |
| Wylie |
190a1 སྙིང་པོ་གཉིས་མེད་པ།། ཐོགས་མེད་རིག་པ་ཤར་བ་བཞིན།། གདོད་ནས་བདེ་ཆེན་རྒྱལ་པོ་ལ།། མ་བཅོས་རིག་པ་ཡན་དུ་ཁྱེ།། ལྷུན་གྲུབ་ཕྱོགས་བྲལ་ཆེན་པོ་ལ།། ཞེན་པའི་འདུ་ཤེས་བྲལ་བ
190a2 ཡིས།། ཡེ་ཤེས་གསལ་བས་མདངས་ཕྱུང་ནས།། རིག་པའི་སྙིང་པོ་དུས་གཅིག་འཇུག། སྤྲོས་མེད་ལྷུན་རྫོགས་སྙིང་པོའི་ཀློང་།། ནམ་མཁའ་ཡངས་པའི་སྙིང་པོ་ལྟར།། མ་འདྲེས་ཡོངས་རྫོགས་སྙིང་པོ་ལ།། རིག་པ
190a3 གློསློང་བ་ཙམ་ལ་གནས།། ཡེ་ཤེས་ཀློང་ཆེན་ཀུན་གནས་པས།། རྨོངས་པའི་འཁོར་བའི་འདམ་ལས་གྲོལ།། མཚན་ཉིད་འདི་ཞེས་རྟག་པར་དཀའ།། མ་རིག་ཡེ་ཤེས་འོད་གསལ་བས།། སྒྲིབ་བྱང་ཡེ་ཤེས་བསྐྱེད་དུ
190a4 མེད།། སྒྲིབ་དང་རྙོག་པ་ཀུན་དག་པས།། གཉེན་པོས་བཅོས་ཤིང་དགག་ཏུ་མེད།། གསང་བའི་ཐིག་ལེ་རང་བཞིན་དག། མ་ཙལ་རང་དགར་གནས་མོད་ཀྱང་།། གང་ཡང་མ་ཡིན་མི་གནས་པས།། ཕྱོགས་ཀྱི་རྐྱེན
190a5 གྱིས་མི་གོས་སོ།། ཇི་ལྟར་རྫུན་པས་དུ་མ་དག། བདེན་ཚིག་གཅིག་གིས་སེལ་བ་ལྟར།། དོན་དང་འབྲེལ་བའི་ཚིག་གཅིག་གིས།། བརྟགས་པའི་གྲོང་ཁྱེར་བཅས་བཅོམ་པའོ།། ཇི་ལྟར་ཐ་དད་དུ་མའི་གཟུགས།། མི
190a6 འགག་རོ་མྱོང་གཅིག་པ་ལྟར།། རྣམ་པའི་ཁྱད་པར་མ་བཀག་པར།། བདེ་ཆེན་གསང་བ་རྫོགས་པར་གསལ།། དོན་གྱི་ཁྱད་པར་རྒྱ་ཆེན་ལས།། གཅིག་གིས་དེ་དོན་རྟོགས་པ་ལྟར།། རིག་པ་རྫོགས་པའི་ཁྱད་པར
iiif viewer powered by OpenSeadragon
