| e-texts navigator |
| Wylie |
189b1 ཀྱིས་ཏན་ཏྲ་ལས།། སྙིང་པོ་རྫོགས་པའི་ལེའུ་སྟེ་བཞི་པའོ།། །། དེ་ནས་དེ་བཞིན་གཤེགས་པ་ཀུན་ཏུ་བཟང་པོས་དགོངས་པ་དེ་ཁོ་ན་ཉིད་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས
189b2 གསུངས་སོ།། སྣང་སྲིད་ཕྱི་ནང་སྣོད་བཅུད་ཀུན།། རང་བྱུང་ཐིག་ལེར་རྒྱས་ཐེབས་པས།། ཡེ་ཤེས་ཆེན་པོའི་ཀློང་དུ་འཁྱིལ།། ཐིམ་འགྱུར་གསལ་ཡང་མི་མངོན་པའོ།། རྙོག་པའི་རྒྱུ་བཞི་བྲལ་གྱུར་ན།། དེ་མེད་འབྲས
189b3 བུ་མི་འབྱུང་བས།། མི་དམིགས་སྙིང་པོ་རྫོགས་པའི་ལམ།། མ་བཅོས་བཞི་བཞག་སྙིང་པོར་གནས།། ཡེ་ཤེས་འོད་ཀྱིས་ཀུན་ཁྱབ་པས།། ཐམས་ཅད་རང་བྱུང་ཉི་མར་གསལ།། མཁའ་ལ་ཐུགས་རྗེ་ཇི་བཞིན་དུ།། ཡེ
189b4 ཤེས་ཚད་མེད་དེ་བཞིན་ཏེ།། སྒྲོ་འདོགས་སྐུར་འདེབས་ཀུན་བཅད་པས།། དེ་བཞིན་ཉིད་དུ་རྣམ་པར་བད་ལ།། སྙིང་པོའི་སྙིང་པོ་རྫོགས་པའི་ལམ།། བར་ཆད་མེད་པར་གསལ་གྱུར་ན།། ཕྱི་ནང་སྣོད་བཅུད་མ་ལུས
189b5 པ།། སྐྱེས་བུ་མིག་ནད་བྲལ་བ་ཡིས།། འཁྲུལ་པའི་བག་ཆགས་སད་པ་ལྟར།། ཡེ་ཤེས་གཞན་ལས་མི་འབྱུང་ངོ་།། གང་ཞིག་འདི་ལྟར་རྟོགས་གྱུར་ན།། འཇིགས་པའི་སྐལ་བའི་རྫས་བཞིན་དུ།། ཐམས་ཅད་སྟོབས
189b6 འགྱུར་མ་ཡིན་པ།། ཉེས་སྟོབས་བག་ཆགས་མི་གནས་སོ།། ཐམས་ཅད་ཡེ་ཤེས་རྒྱས་བཏབ་པས།། མ་ལུས་ཀུན་དང་གཉིས་མེད་པ།། དམ་པ་འགའ་ཡིས་རྟོག་པ་ལས།། དམན་པས་དེ་ལྟར་མི་རྟོགས་སོ།། རང་བྱུང
iiif viewer powered by OpenSeadragon
