| e-texts navigator |
| Wylie |
189a1 ལྟར་ལྷུན་རྫོགས་པས།། ཚོགས་བསགས་དངོས་གྲུབ་བླང་དུ་མེད།། ཡེ་ཤེས་རང་བྱུང་དྲི་མེད་པས།། དགེ་སྡིག་མཚན་མ་སེལ་མི་བྱེད།། བདེ་ཆེན་ཀློང་ལ་ཀུན་གནས་པས།། རྩོལ་བའི་བདེ་ལ་རག་མ
189a2 ལུས།། སྙིང་པོ་བར་ཆེ་མི་གནས་པས།། སྒོམ་ཞིང་དམིགས་དང་བྲལ་བར་གནས།། དུས་གསུམ་ཐེག་པའི་སྙིང་པོ་ལས།། མ་ཡེངས་དགོངས་པར་གནས་པ་ཡིན།། དུས་གསུམ་རྒྱལ་བ་རྣམས་ཀྱིས་ཀྱང་།། འདི
189a3 མེད་རྒྱལ་བ་འབྱུང་མི་སྲིད།། ཐེག་པའི་སྙིང་པོར་ཀུན་རྫོགས་པས།། ལམ་གཅིག་བསྐྱོད་པས་ཐམས་ཅད་རྫོགས།། མ་བཅོས་དགོངས་པའི་དོན་རྟོགས་ན།། ལུང་སོགས་ཚད་མ་རྣམས་མི་དགོས།། མ་བཅིངས
189a4 བཅིངས་པར་མཐོང་བས་ན།། མཚོན་པས་བཅིངས་པ་དུས་གཅིག་གཅད།། དབང་པོ་ཡེ་ཤེས་གསལ་བ་ཡི།། བདེ་མཆོག་རོ་མྱོང་ངོ་མཚར་ཆེ།། བསྟན་པའི་སྙིང་པོ་མ་རྟོགས་ན།། བཙལ་བས་ནམ་མཁའི་མཐའ
189a5 འཚོལ་འདྲ།། ཡེ་ཤེས་འཁོར་ལོ་རང་དབང་ན།། མཚན་མའི་དབང་ཐོབ་ཐིག་ལེའི་རྒྱུ།། བག་ཆགས་དག་པའི་མེ་ལོང་ལ།། རྣམ་གྲོལ་དབང་པོ་རང་བཞིན་གསལ།། ཅིར་སྣང་ཡེ་ཤེས་དག་པ་ལ།། བལྟས་ཤིང་རིག
189a6 པ་མངོན་པར་འཆར།། མཁའ་ལ་འོད་ཀྱིས་བརྡལ་བ་ལྟར།། ཕྱོགས་མེད་རྒྱས་པར་གསལ་བ་བྱ།། སྙིང་པོ་ཀུན་འདུས་འཁོར་ལོ་ཅན།། མ་ལུས་རྫོགས་པ་ཆེན་པོར་གནས།། ཞེས་གསུངས་སོ།། ཀུན་འདུས་འོད
iiif viewer powered by OpenSeadragon
