| e-texts navigator |
| Wylie |
188a1 དང་།། ཐམས་ཅད་སེམས་སུ་ལྷུན་གྲུབ་པས།། སངས་རྒྱས་སེམས་ཅན་གཉིས་སུ་མེད།། མ་བཅོས་བསམ་སྤྱོད་ཀུན་བྲལ་བས།། ཆོས་ཉིད་སེམས་ཉིད་གཉིས་སུ་མེད།། བདེ་ཆེན་རིགས་པར་འོད
188a2 གསལ་བས།། བཏང་སྙོམས་སྟོང་པ་རྣམ་པར་བཅད།། རིག་པ་འཁོར་ལོ་གཏེར་གྱི་མཆོག། མ་བསྐོར་ཞི་བ་དབྱིངས་སུ་འཁྱིལ།། འཁོར་ལོ་འོད་འབར་སྙིང་པོ་ཅན།། མཚན་དང་དཔེ་བྱད་ཀུན་ལས་འདས།། ཆེ་བའི
188a3 ཆེ་མཆོག་ཆོས་ཀྱི་སྐུ།། དུས་གསུམ་འདུ་འབྲལ་མེད་པར་གནས།། རྫོགས་པ་ཀུན་འབྱུང་ལམ་གྱི་ཕུགས།། ཞེན་པ་དུས་གཅིག་བཅད་པའི་ཕྱིར།། མངོན་སུམ་རྫོགས་པའི་རང་ལ་གནས།། ངེས་པ་རྙེད་པ་དེ
188a4 མ་ཐག། འབྱུང་མེད་ཡེ་ཤེས་མཁའ་ལྟར་དག། སྙིང་པོ་རྫོགས་ལམ་པར་ཆད་མེད།། གང་ཡང་དམ་པར་མི་ལེན་པས།། དམན་པས་གཞན་དུ་དོར་བ་མེད།། ཡེ་ཤེས་ལྔ་རྫོགས་སྙིང་པོ་ཉིད།། མ་འདྲེས་དབྱིངས་ལ
188a5 རྫོགས་པས་བརྒྱན།། ཟབ་མོ་ཀུན་འདུས་སེམས་ཀྱི་གཏེར།། རྡོ་རྗེ་བླ་མའི་ལུང་ཐོབ་ཅིང་།། ངེས་པའི་བློ་དང་ལྡན་པས་ན།། དབུལ་པོ་གཏེར་དང་ཕྲད་པ་ལྟར།། མཐོང་བ་ཙམ་གྱིས་ཆོག་པ་ཡིན།། ངེས་པའི་བློ་དང
188a6 ལྡན་མེད་ཅིང་།། ཐེག་ཆེན་རྫོགས་པའི་རིགས་མིན་ན།། ལོང་བ་གཏེར་དང་ཕྲད་པ་ལྟར།། བསྟན་ཀྱང་ཤེས་པར་ག་ལ་འགྱུར།། མི་སྐྱེ་མི་འགག་སྙིང་པོ་ལ།། རང་བྱུང་ཡེ་ཤེས་གསལ་བས་གནས།། ཡིད་བཞིན་ནོར
iiif viewer powered by OpenSeadragon
