| e-texts navigator |
| Wylie |
187b1 མ་བཅོས་གཞག་པར་བྱ།། མཐོང་དང་མ་ངེས་པར་མཚམས་སུ།། བདེ་བ་ཆེན་པོའི་དོན་འཆར་ཞིང་།། འབད་རྩོལ་མེད་པར་ལྷུན་གྱིས་གྲུབ།། གང་དགར་བཞག་ཀྱང་གཡོ་མི་འགྱུར།། ལྟ་དགོངས་དབྱེར་མེད་གང
187b2 རྟོགས་པས།། དུས་གཅིག་རྣམ་གྲོལ་ལྷུན་གྲུབ་པའོ།། ཞེས་གསུངས་སོ།། ཀུན་འདུས་འོད་ཀྱི་ཏན་ཏྲ་ལས། ལྟ་དགོངས་དབྱེ་བའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཀུན
187b3 ཏུ་བཟང་པོ་རང་བྱུང་ཡེ་ཤེས་བསྟན་པའི་ཏིང་ངེ་འཛིན་ལ་སྙོམས་པར་ཞུགས་ནས། འདི་སྐད་ཅེས་གསུངས་སོ།། ཆོས་རྣམ་མ་ལུས་ཇི་སྙེད་པ།། རྒྱུ་ལ་མི་ལྟོས་སྙིང་པོའི་སྙིང་།། རྐྱེན་ལ་མི་ལྟོས་འབྲས་བུའི
187b4 འབྲས།། གསང་བའི་གསང་བ་མཁའ་ལྟར་དག། ཐེག་པའི་སྙིང་པོ་རྫོགས་པའི་ལུང་།། མ་ལུས་གཅིག་དང་ཐ་དད་མེད།། ཡེ་ཤེས་མཁའ་དྲ་ཁྱབ་པའི་ཀློང་།། བསྟན་པའི་རྩ་བ་ཆོས་ཀྱི་དབྱིངས།། དུར་ཁྲོད་བདལ
187b5 བའི་སྙིང་པོ་མཆོག། ཡུལ་སེམས་བྲལ་བའི་རང་བཞིན་གྱིས།། དེ་བཞིན་ཉིད་དེ་སྒྲོ་སྐུར་མེད།། ཐེག་ཆེན་སེམས་ཉིད་མཁའ་ལྟར་དག། མ་འདྲེས་གསལ་བར་སྣང་བའི་ཕྱིར།། ལྷུན་གྲུབ་རོལ་པ་ཅིར་ཡང་སྣང་།། སྙིང
187b6 པོ་གཅིག་ཏུ་ཀུན་རྫོགས་པས།། རྫོགས་ཁྱབ་བརྡལ་བ་ཆོས་ཀྱི་སྐུ།། རྒྱུ་དང་རྐྱེན་ལས་མི་ལྟོས་པས།། མི་འཇིག་རྡོ་རྗེ་འགྱུར་བ་མེད།། མ་བསྒྲིབས་གསལ་བར་ཀུན་མཁྱེན་པས།། ཡེ་ཤེས་ཀུན་གསལ་མཆོག་གི
iiif viewer powered by OpenSeadragon
