| e-texts navigator |
| Wylie |
186b1 གསུམ་མི་འགྱུར་བསྟན་པའི་ཕྱིར།། ཆ་ཤས་དབེན་པའི་ངོ་བོས་སྟོང་།། སྐུ་མཆོག་འོད་དཔག་མེད་པའི་ཀློང་།། མཚན་དང་དཔེ་བྱད་ཆ་ལས་འདས།། མཚན་མའི་སྒོ་སྐུར་ཀུན་ཞི་ཡང་།། ཡེ་ཤེས་འབར་བའི་འོད་ཀྱིས
186b2 མཛེས།། རྒྱལ་པོ་ཐབས་ཀྱིས་མཛེས་པ་ལྟར།། མ་བྱས་ཐབས་ཀྱིས་དོན་རྣམས་རྫོགས།། ཞེས་གསུངས་སོ།། ཀུན་འདུས་འོད་ཀྱི་ཏན་ཏྲ་ལས།། སྒྲོ་སྐུར་མེད་པའི་ལེའུ་སྟེ་དང་པོའོ།། །། དེ་ནས་དེ་བཞིན
186b3 གཤེགས་པ་ཀུན་ཏུ་བཟང་པོས། ཁོ་ན་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་པས། ལྷ་དགོངས་མཐར་ཕྱིན་གྱི་དོན་འདི་གསུངས་སོ།། ཆོས་ཀུན་གདོད་ནས་མཚན་ཉིད་མེད།། ཡེ་ཤེས་ནམ་མཁའི་རྒྱལ་པོ
186b4 ལས།། བདེ་ཆེན་གསལ་བའི་ཉི་ཤར་བས།། རྣམ་པར་རྟོག་པའི་སྒྲོ་སྐུར་གཅོད།། ཡེ་ཤེས་འཁོར་ལོ་འོད་པོ་ཆེ།། ཕྱོགས་མེད་ཀུན་ལ་གསལ་བར་འཆར།། རིག་པའི་རྒྱལ་པོ་ཀུན་འདུས་པས།། བདེ་སྡུག་རྟོག་པའི
186b5 མཐའ་ལས་འདས།། ཞེན་པའི་འདུ་ཤེས་ཀུན་བྲལ་བས།། བསམ་གྱིས་མི་ཁྱབ་ཆོས་ཀྱི་དབྱིངས།། སངས་རྒྱས་སེམས་ཅན་གཉིས་མེད་པས།། བསྒྲུབ་ཅིང་སྒྲིབ་པ་གསལ་དུ་མེད།། མ་ལུས་སྒྲོ་སྐུར་ཀུན་ཞི
186b6 བས།། ཆོས་ཀུན་ཡེ་ཤེས་དགོངས་པའི་ཀློང་།། སྣང་སྲིད་བླ་མའི་ཕྱག་རྒྱ་བས།། མ་བརྗོད་ངོ་བོས་ཆོས་ཚུར་སྟོན།། སྐྱེ་མེད་ཕྱག་རྒྱ་ཀུན་ཐེབས་པས།། འདུས་བྱས་མཚན་མ་མེད་པའི་ལམ།། བདག་ཉིད་ངང་ལས་མ
iiif viewer powered by OpenSeadragon
