| e-texts navigator |
| Wylie |
185b1 རྒྱུད།། འདི་ཡི་རང་བཞིན་རྟོགས་པར་དཀའ།། འོན་ཀྱང་ཁྱེད་རྣམས་གྲོལ་བའི་ཕྱིར།། སྙིང་པོའི་རྣལ་འབྱོར་བཤད་པར་བྱ།། ཐོག་མ་མེད་པའི་དུས་ཀྱི་དབྱིངས།། ཆོས་རྣམས་ཀུན་གྱི་གནས་ཡིན་པས།། ཀུན་འབྱུང
185b2 དངོས་པོ་ཡོངས་ཀྱི་ལམ།། དུས་གསུམ་རྫོགས་པའི་ངོ་བོར་གནས།། གསང་བ་ཀུན་འདུས་སེམས་ཀྱི་ལུང་།། གདོད་ནས་དག་པས་ནམ་མཁའི་ཀློང་།། སྒྲོ་སྐུར་དག་པས་ཆོས་ཀྱི་དབྱིངས།། གདོད་ནས་ཀུན་གྱི་ངོ་བོ
185b3 བཤད།། ཆོས་སྐུ་གཉིས་མེད་རྫོགས་པའི་ཀློང་།། དགོངས་པའི་ཀློང་ལ་ཕྱོགས་རིས་མེད། ཁྱབ་པ་ཆེན་པོ་ནམ་མཁའི་འོད།། བརྡལ་ཁྱབ་མཁའ་ལྟར་མུ་མཐའ་མེད།། འདུ་འབྲལ་མེད་པ་དྲན་པས་བསྟན།། རྒྱུ་རྐྱེན
185b4 མ་ཚངས་ཀུན་བྲལ་བས།། སྐྱེ་འཇིག་མེད་པར་འདུས་མ་བྱས།། གདོད་ནས་རིག་པ་གཉིས་མེད་པས།། སྣ་ཚོགས་རང་བཞིན་ཀུན་ཏུ་བཟང་།། ཐིག་ལེ་ཆེན་པོར་ཡེ་བསྟན་པས།། གང་ལྟར་སྣང་ཡང་ཆོས་ཀྱི
185b5 དབྱིངས།། མ་བསགས་ལྷུན་གྲུབ་ངོ་བོའི་ཕྱིར།། ཅིར་ཡང་སྣང་ལ་དངོས་བཞི་མེད།། རང་བཞིན་གང་དུའང་མ་ངེས་ཏེ།། བརྟག་ཅིང་སྤྱད་པ་ཀུན་ལས་འདས།། བརྡལ་ཁྱབ་ཆེན་པོ་ཀུན་ཆུབ་པས།། རྣམ་པ་ཐ་དད
185b6 ཡུལ་ལས་འདས།། མཐའ་དང་དབུས་སུ་མི་འབྱེད་པས།། གོལ་དང་སྒྲིབ་པའི་ཆོས་མི་གནས།། ཕྱག་རྒྱ་ཆེན་པོར་ཡེ་གནས་པས།། སྒོམ་དང་མི་སྒོམ་ཡུལ་ལས་འདས།། རིག་པའི་འཁོར་ལོ་རབ་བསྐོར་བས།། མཐའ
iiif viewer powered by OpenSeadragon
